Ko'rishlar soni: 137 

Өзбекстан мәмлекетлик көркем өнер ҳәм мәденият институты Нөкис филиалының имтихан бинасында көзи әззи абитуриентлер ушын дөретиўшилик имтиханлары болып өтти.

Имтиханды режессюра, актёрлық ҳәм шеберлик кафедрасы баслығы Л.Уразмбетова, Қаракалпақ мәмлекетлик университети профессор-оқытыўшыларынан математикалық анализ кафедрасы доценти, PhD Г.Иззетаева, Қарақалпақ тил билими кафедрасы доценти, PhD Ш.Хожанов, Өзбекстан ҳәм Қарақалпақстан тарийхы кафедрасы доценти, PhD Г.Сейдаметовалар өткерди.

«Мәденият ҳәм көркем-өнер мәкемелерин шөлкемлестириў ҳәм басқарыў» қәнигелигине 2 абитуриент, Китапхана-хабар искерлиги: (Китапханашылық ҳәм библиография) тәлим жөнелиси бойынша 3 абитуриент имтихан тапсырды. Өзбекстан Республикасы Министрлер Кабинетиниң « Жоқары оқыў орынларына оқыўға қабыл етиў, студентлердиң оқыўын көшириў, қайта тиклеў ҳәм оқыўдан шетлестириў тәртиби ҳаққындағы нызамларды тастыйқлаў ҳаққында» ғы қарарына тийкарланып ЖООна жаңа оқыў жылы ушын белгиленген квотаның 2 % көлеминде майыплығы болған абитуриентлерди қабыллаў бойынша белгилеп өтилген еди.

ӨзМКӨМИ Нөкис филиалы баспасөз хызмети