Ózbekstan mámleketlik kórkem óner hám mádeniyat institutı Nókis filialı kishi májilisler zalında Ózbekstan Respublikası bayraǵınıń qabıl etilgenine 32 jıl tolıwı múnásibeti menen “Joqarı oqıw orınları tyutorları tájiriybe almasıwı” atamasında ushırasıw shólkemlestirildi. Ilajdı “Teatr kórkem óneri” fakulteti Jaslar menen islesiw boyınsha dekan orınbasarı D.Otarbaev basqarıp bardı.

Onda Qaraqalpaq mámleketlik Universiteti Yuridika fakulteti tyutorlar keńes baslıǵı D.Mámbetkarimov, tyutor S.Dilanova, yuridika fakulteti 3-kurs studenti I.Yuldashev,1-kurs studenti M.Nuratdinovlar miymanda boldı. Filialdıń Hayal qızlar máseleleri boyınsh direktor másláhátshisi O.Kıdırniyazova hám filial “Teatr kórkem óneri” fakulteti tyutorları qatnastı.

Ilaj dawamında filial “Teatr kórkem óneri” fakulteti tyutorları hám Qaraqalpaq mámleketlik Universiteti Yuridika fakulteti tyutorları menen tájiriybe almasıw hám Ózbekstan Respublikası bayraǵınıń qabıl etilgenine 32 jıl tolıwı, korrupciyaǵa qarsı gúresiw hám korrupciyanıń nelerge alıp keletuǵınlıǵı haqqında sóz etildi. Ilaj sońında student-jaslar ózlerin qızıqtırǵan sorawlarǵa juwap aldı.

 61