Búgin paytaxtımızdaǵı Qaraqalpaq mámleketlik Jas tamashagóyler teatrında Jańa Ózbekstan – milletleraralıq tatıwlıq diyarı atamasında ruwxıy aǵartıwshılıq ilajı bolıp ótti. Oǵan respublikamızdaǵı barlıq milliy mádeniy oraylarınıń wákilleri menen birge Ózbekstan mámleketlik kórkem óner hám mádeniyat institutı Nókis filialı professor-oqıtıwshıları hám student-jaslar qatnastı.

Búgingi kúnde elimizde 130 dan aslam hár qıylı millet wákilleri tatıw hám awızbirshilikte jasap, miynet etip, úrp-ádet hám dástúrlerine húrmet penen qarap, hár bir milletke tiyisli bayramlardı keń túrde belgilewge ayrıqsha itibar qaratılǵan. Házirgi waqıtta respublikamızda rus, ukrain, qazaq hám túrkmen milliy mádeniy orayları menen koreys­ler assotsiatsiyası jumısı jolǵa qoyılǵan. Kóp milletli xal­qımız bir maqset, bir ideya jolında birlesip, elimizdi  rawajlandırıw  jolında miynet etpekte.

Ilajda kórkem óner sheberleri hám filial student-jasları tárepinen tuwısqan xalıqlardıń milliy qosıq hám ayaq oyınları atqarılıp, jıynalganlarǵa ózgeshe zawıq baǵıshladı.

Ótkerilgen ilajda filial jámááti Qaraqalpaqstan Respublikası Ministrler Keńesi tárepinen “Húrmet jarlıǵı” hám bahalı sawǵa menen sıylıqlandı.

 70