Aldın xabar bergenimizdey, Ózbekstan mámleketlik kórkem óner hám mádeniyat institutı Nókis filialı “Rejissura kórkem óneri” kafedrası baslıǵı, docent Liza Urazmbetova hám usı kafedranıń oqıtıwshısı Maryash Tajigalieva Qazaqstan Respublikasınıń M.Awezov atındaǵı Qubla-Qazaqstan universitetiniń “Oner” kafedrasında xızmet saparında bolǵan edi.

Sol múnásibet penen búgin 20-noyabr kúni filialdıń kishi májilisler zalında student-jaslar menen ushırasıw shólkemlestirildi. Ilajdı fakultet dekanı professor Gulchira Xodjametova basqarıp bardı. Ushırasıwda “Rejissura kórkem óneri” kafedrası baslıǵı, docent Liza Urazmbetova hám usı kafedranıń oqıtıwshısı Maryash Tajigalievalar M.Awezov atındaǵı Qubla-Qazaqstan universitetiniń “Oner” kafedrasına bolǵan xızmet saparı haqqında  sóz etti hám tájiriybe almasıw barısı boyınsha kóplegen maǵlıwmatlar berip ótti.

Sonday-aq, ustazları basshılıǵında Qubla-Qazaqstan universitetinde ózleriniń tálim baǵdarları boyınsha sabaqlarǵa qatnasıp qaytqan «Estrada hám  massalıq tamashalar rejissyorlıǵı» tálim baǵdarınıń 2-kurs studenti Shaxsanem Urazmbetova hám «Quwırshaq teatr aktyorlıǵı» tálim baǵdarınıń 2-kurs studenti Gulbanıw Dúysenbaevalar da sózge shıǵıp, akademiyalıq almasıw sheńberinde alǵan bilim hám tájiriybelerin dosları menen bólisti.

 66