Házirgi waqıtta filialımızdıń “Mádeniyat iskerligi” kafedrası baslıǵı, docent Gúlshira Saparbaeva hám “Kitapxana iskerligi” kafedrası baslıǵı Marjan Xudaybergenovalar Qazaqstan Respublikasınıń M.Awezov atındaǵı Qubla-Qazaqstan universitetinde xızmet saparı menen bolıp tur.
Bul xızmet saparı dawamında professor-oqıtıwshılarımız M.Awezov atındaǵı Qubla-Qazaqstan universitetiniń “Mádeniy demalıw isi” hám “Kitapxana isi” tálim baǵdarları studentlerine sheberlik sabaqların ótiw menen bir qatarda, sol jerdegi kásiplesleri menen ilimiy hám metodikalıq tájiriybe almasıw jumısların alıp barmaqta.
2019-jıldan baslap óz-ara jaqın birge islesip kiyatırǵan M.Awezov atındaǵı Qubla-Qazaqstan universiteti ataqlı xalıqaralıq reyting shólkemi “QS-Quacquarelli Symonds” tárepinen 2023-jılda “Dúnyanıń eń jaqsı universitetleri TOP-1000”lıq reytinginde 443-orındı iyelegen Qazaqstan Respublikasınıń belgili universitetlerinen biri esaplanadı.
68