1. +998-61-224-29-02 / fart_info@edu.uz
  2. +998-91-394-96-77 / fart-info@exat.uz
uzdsminf

A teacher who is an example to many

Author: admin
Category: Articles
Date: 26.08.2021

Ózbekstan mámleketlik kórkem óner hám mádeniyat institutı Nókis filialı shólkemlestirilgenine bıyıl 12 jıl toldı. Bul dáwir ishinde miynet jámááti Respublikamızdıń kórkem óner tarawı ushın joqarı mamanlıqtaǵı kadrlardı jetkerip beriwde aytarlıqtay tabıslarǵa eristi. Jıldan jılǵa filialımızdıń dóretiwshilik jumısları menen birge ilimiy potencialı da joqarılap barmaqta.

Jaqında filialımızdıń aǵa oqıtıwshısı Abipova Gulmira Salavatdinovna ekonomika ilimleri boyınsha filosofiya doktorı (PhD) dárejesin alıw ushın jazǵan ilimiy jumısın tabıslı qorǵap shıqtı. Bul úlken quwanısh bolıw menen birge filial jámááti ushın maqtanısh boldı.

Gulmira Abipova 2004-2008-jıllar aralıǵında Tashkent irrigaciya hám melioraciya institutınıń Menedjment qánigeligin mámleketlik grant tiykarında oqıdı. 2008-2010-jıllarda usı institutta Menedjment qánigeligi boyınsha magistratura bólimin tabıslı tamamladı.

Ol 2011-2012-jıllarda Berdaq atındaǵı Qaraqalpaq mámleketlik universitetiniń Ekonomika kafedrasında assistent oqıtıwshı, 2012-2013-jılda universitette stajёr-izzertlewshi, 2013-2015-jılları usı universitettiń úlken ilimiy qánigesi bolıp jumıs alıp bardı.

2015-jılda Ózbekstan mámleketlik kórkem óner hám mádeniyat institutı Nókis filialında ekonomist bolıp jumıs baslaǵan bolsa, búgingi kúnde Mádeniyat hám kitapxana iskerligi kafedrasında aǵa oqıtıwshı lawazımında islep kelmekte.

Gulmira Salavatdinovna 2015-jıldan baslap QMU da erkin izleniwshi sıpatında «Akcionerlik jámiyetleri qárejetlerin basqarıw nátiyjeliligin asırıw» temasında ilimiy izzertlew jumısların alıp bardı.

Ilimiy basshısı, ekonomika ilimleriniń doktorı, professor Sh.Z.Zaynutdinov penen birgelikte ilimiy izertlewlerine baylanıslı 15 ten aslam maqala hám tezisleri Respublikamız hám shet el ilimiy-jurnallarında jarıq kórdi.

Ilim izertlew baǵdarındaǵı jumısları óziniń nátiyjesin berip, usı jılı G.Abipova ekonomika ilimleri boyınsha filosofiya doktorı (PhD) ilimiy dárejesin aldı.

Prezidentimiz Sh.Mirziyeyovtıń «Búgingi kún oqıtıwshısı universal qánige, hám úyretiwshi, hám úyreniwshi bolıwı, yaǵnıy óz ústinde tınımsız islewi, bárqulla izlenip jasawı kerek», dep atap ótken edi. G.Abipova da búgingi dáwir oqıtıwshısı sıpatında kóp qırlı ustazlardan biri bolıp kelmekte.

Studentlerge bilim beriwde hám ilimiy izlenislerin alıp barıwday mashaqatlı jumıslardı atqarıwda ustazımızǵa talmas kúsh-ǵayrat tilep qalamız.

Asılbek QOLQANATOV

ÓzMKÓMI Nókis filialı studenti

 36 

Useful resources