Uzdsmi-NF.uz Logo

Published date Friday, 10 July, 2020

Ózbekstan aktyorları menen ushrastı

Ózbekstan Respublikası Tashkent qalasınan bir qansha aktyorlar 15-fevral' kúni Nókis qalasına "Qoqan shamalı" atlı prem'erasın ótkeriw maqsetinde jetip keldi. Atap aytqanda Rejissyor-Dilmurod Maksaidov, Prodyusor-Maxmud Orkabaev, ekinshi-Rejissyor Dilmurod Qambarov, Aktyor-Ilxom Berdiev, Aktrisalar-Rayxon Asadova, Charos Mamadalieva.

Fil'mniń prem'erasınan aldın Ózbekstan mámleketlik kórkem óner hám mádeniyat institutı Nókis filialı ruwxıylıq hám aǵartıwshılıq isleri boyınsha metodist O.Qıdırniyazova basshılıǵında filial student jasları menen ushrasıw ótkerildi. Ushrasıwdan maqset jaslardı prem'era waqtında barıp tamasha etiw hám tájriybe arttırıw bolıp esaplanadı. Sonday-aq bul ushrasıw filial student jaslarına sheberlik sabaǵı boldı.

Miymanǵa kelgen rejissyor hám aktyorlardan filial studentleri kóplegen maǵlıwmatlarǵa iye boldı. Olar ózleriniń kino alıw sırların hám aktyor aktrisalardı kino qahramanlarına mas qılıp qalay tańlap alıwların da aytıp ótti. Kino alıwda nelerge kóp itibar beriw kerek hár bir zattı kózden qashırmaw kerek ekenligin túsindirip ótti.

Filial studentleri ózlerine kerekli sorawlarǵa anıq juwaplar aldı. Ushrasıw sońında miymanlar filial student jaslarınıń talantlı ekenligin hám kózleri janıp turǵanlıǵın ayttı. Keleshekte olardan xalıq súygen aktyorlar jetilisip shıǵıwına isenim bildirdi.

  • National flag of Uzbekistan
  • National symbolics of Uzbekistan
  • National anthem of Uzbekistan