Uzdsmi-NF.uz Logo

Published date Saturday, 27 June, 2020

Jaslardiń pikirleri tińlandi

Kópshilikke málim, 2019-jıldıń 27-dekabr sánesinde Prezidentimiz Sh. Mirziyoev Muhammed al-Xorezmiy atındaǵı mektepte jaslar menen ushırasıw ótkergen edi. Videokonferenciya tárizinde ótkerilgen májilisti mámleketimizdiń barlıq aymaqlarındaǵı jaslar baqlap bardı.

Usı jıl 27-yanvar' kúni Ózbekstan mámleketlik kórkem óner hám mádeniyat institutı Nókis filialında májiliste belgilengen wazıypalardı úgit-násiyatlawǵa qaratılǵan ushırasıw bolıp ótti. Oǵan professor-oqıtıwshılar hám student jaslar qatnastı.

Ilajda filiial direktorı P. Paluaniyazov sózge shıǵıp, Prezidentimizdiń jaslar menen ushırasıwında atap ótilgen máselelerdiń mazmun-áhmiyetine ayrıqsha toqtap ótti.

Bunnań soń, filialdıń baslanǵısh shólkem jetekshisi J. Berdimuratov shıǵıp sóylep, 2019-jıl dawamında Prezidentimizdiń bes áhmiyetli baslaması sheńberinde júrgizilgen jumıslar hám jaslardıń qolǵa kirgizgen tabısların maqtanısh penen tilge aldı.

Ashıq-aydın sóylesiw tárizinde bolıp ótken ushırasıwda jaslar ózleriniń pikir-usınısların bildirdi. Ilaj sońında jaslardıń pikir-usınısları tiykarında aldaǵı wazıypalar belgilep alındı.

  • National flag of Uzbekistan
  • National symbolics of Uzbekistan
  • National anthem of Uzbekistan