Rejissura va aktyor mahorati

Rejissura va aktyor mahorati

Кафедра профессор-оқытыўшылары:

  • Уразмбетова Л.Т. Кафедра баслығы.
  • Ансатбаев Н. Профессор. Өзбекистан халық артисти.
  • Исмаилова М. Х. Доцент. Өзбекстан Республикасына хызмет көрсеткен артист.
  • Бекниязова Г. А. Аға оқытыўшы.
  • Пиримбетова Н. Р. Аға оқытыўшы.
  • Заматдинов А. М. Оқытыўшы.
  • Юсупбаев М. Г. Оқытыўшы.
  • Утепбергенов Айдос. Оқытыўшы.
  • Утепбергенов Ажинияз. Оқытыўшы.
  • Назарымбетов Б. М. Оқытыўшы. Қарақалпақстан Республикасына хызмет көрсеткен артист.
  • Султабаев Ж. Оқытыўшы. Өзбекстан республикасына хызмет көрсеткен артист.
  • Кудайназаров А. Оқытыўшы.

Кафедрада  оқытылатуғын пәнлер:

  • Актёрлық шеберлиги.
  • Режиссура.
  • Қуўыршақ театры режиссёрлығы.
  • Режиссёрдың дөретиўшилик топарлар менен ислеўи.
  • Сахна сөзи.
  • Актёрдың оркестр ҳǝм хор менен ислеўи.
  • Музыкалы театр режиссёрлығы.
  • Актёрдың камера алдында ислеўи.
  • Сахна хәрекети ҳәм гүреси.
  • Сөйлеў маденияты.
  • Қуўыршақ баскарыў тийкарлары.
  • Қуўыршақ жасаў технологиясы.
  • Фольклор шығармаларын сахналастырыў.
  • Режиссура хам актёрлык онери тийкарлары.
  • Монтаж.
  • Актёрдың концертмейстер менен ислеўи.
  • Режиссёрдың композитор менен ислеўи.
  • Режиссёрдың балетмейстер менен ислеўи.
  • Режиссёрдың сахналастырыўшы топар менен иси.
  • Сахна техникасы ҳәм технологиясы.

Кафедра профессор-оқытыўшылары тәрепинен баспадан шығарылған әдебиятлар:

  1. М. Исмаилова. Сахна сөзи»оқыў қолланба..Ташкент «Нашр» баспасы. 2018 жыл.
  2. Л. Уразмбетова. «Режиссура тийкарлары» аўдарма сабақлық. (автор: Ж.Махмудов. Х.Махмудова.).Ташкент «Навруз»баспасы 2019 жыл.
  3. Л. Уразмбетова «Актёр шеберлиги».оқыў қолланба. Ташкент «Навруз»баспасы. 2020 жыл.
  4. Н. Пиримбетова. «Куўыршак театр көркем өнеринин актёрлық мектеби» аўдарма сабақлық. (автор: М. Ашурова).
  5. Н. Пиримбетова. «Актёрдын пластикалық көркемлиги» аўдарма оқыў қолланба. (автор. Немировский)

Ózbekstan Respublikasınıń Birinshi Prezidentiniń 2008-jıl 28-aprel’degi “Ózbekstan mámleketlik kórkem óner institutınıń Nókis filialın shólkemlestiriw boyınsha ilajlar haqqında”ǵı PQ-845 sanlı qararında “Qaraqalpaq xalqınıń biytákirár kórkem ónerin hám mádeniyatın bunnan bılay da rawajlandırıw, talantlı jaslardı milliy hám dún’ya júzlik kórkem ónerdiń joqarı úlgileri ruwxında tárbiyalaw, olardıń dóretiwshilik qábiletin hám intasın hár tárepleme qollap-quwatlaw jáne júzege shıǵarıw, zamanagóy teatr hám kino, televidenie hám radio baǵdarları boyınsha joqarı mamanlıqtaǵı akterlar hám kórkem óner salasında qánigelerdi tayarlaw sistemasın jetilistiriw” kerekligi, sonday-aq Ózbekstan Respublikası Prezidentiniń 2012-jıl 4-iyun’daǵı “Ózbekstan mámleketlik kórkem óner hám mádeniyat institutın shólkemlestiriw haqqında”ǵı PQ-1771 sanlı qararı menen filialımız Ózbekstan mámleketlik kórkem-óner hám mádeniyat institutı Nókis filialı bolıp qayta shólkemlestirildi.

Filialımızdıń ashılǵan jılı 25-student qabıllanıp, Ózbekistan Respublikasına xızmet kórsetken artist Ómirbay Kosımbetov 2008-2013 jıllar aralıǵında basshılıq etti. 2013-jıldan baslap filialǵa “Tariyx ilimleriniń kandidatı Paxratdin Paluaniyazov basshılıq etip kelmekte. Házirgi wakıtta bul bilim dárgayında 321 student “Aktyorlık”, “Rejissyorlık”, “Kino, telivedenie hám radio ses rejisserlıǵı”, “Mádeniyat hám kórkem-óner mekemelerin shólkemlestiriw hám basqarıw”, “Fol’klor hám etnografiya”, “Kino hám televidenie rejissyorlıǵı”, “Quwırshaq teatr rejissyorlıǵı”, “Kinoteleoperatorlıq”, “Kitapxanashılıq hám bibliografiya”, “Saxna hám ekran óneri dramaturgiyası”, “Vokal atqarıushılıǵı”, “Saz –ásbaplar jámáátin basqarıu”, “Qosıqshılıq hám oyın óneri” sıyaqlı baǵdarlar boyınsha qániygelik sırların úyrenbekte.

2011-2012 okıw jılında filialımızda eki qániygelik: “Drama teatrı hám kino aktyorlıǵı” sonday-aq “Saxna hám ekran óneri dramaturgiyası” qániygeligi boyınsha tuńǵısh “qarlıǵashlar” pitkerip shıktı. Qaraqalpaqstan Respublikasına xızmet kórsetken kórkem-óner ǵayratkeri Berdibay Ótebaev hám “Nixol” sıylıǵınıń laureatı, Qaraqalpaqstan Respublikasına xızmet kórsetken artist Sarbinaz Annaqulovalardıń basshılıǵındaǵı saxnalastırılǵan qániygelik diplom spektakl’leri Jan Batist Mol’erdiń “Skapenniń hiylesi” hámde Nasrulla Qobilovtıń “Uyım” atlı saxnalıq shıǵarmaları mámleketlik attestaciya komissiyası hám keń jámiyetshilik tárepinen joqarı baxalandı. Búgingi kúnde dáslepki “qarlıǵash”larımızdan Bahadır Razımbetov- Qaraqalpaqstan Respublikasına xızmet kórsetken artist, Altınay Berdibaeva, Aziz Nazarımbetov, Fazılbek Kelimbetov hám taǵı baskalar óz qániygelikleri boyınsha respublikamızdıń teatrlarında xızmet etpekte.

2012-2013 oqıu jılı “Muzıkalı teatr aktyorlıgı” bólimi Ózbekstan Respublikasına xızmet kórsetken artist Mar’sh Ismailovanın basshılıgında A.Cagareli, G.Kanchelidiń “Xanuma” hám aǵalı-inili Grimmlerdiń “Bremen sazendeleri” spektakl’lerin saxnalastırıp kópshiliktiń húrmetine miyassar boldı. Spektakl’ler úlken saxnada qoyılıp Mámleketlik attestaciya komissiyası tárepinen joqarı bahalandı. Bul bólim Tashkent qalasında ótkerilgen “Studentler dóretiwshiligi” festivalına “Xanuma” spektakli menen qatnasıp “Jıldıń eń jaqsı saxnalıq dóretpesi” nominaciyasın jenip alıwǵa miyasar boldı.

“Kórkem-óner tanıw jurnalistikası” qániygeligin pitkeriwshi studentlerde qaraqalpaq kórkem óneri boyınsha hár qıylı temada diplom jumısların tabıslı jaqlap shıqtı. Filial student jasları tıyanaqlı bilim alıw menen bir qatarda respublika kólemindegi festival’larǵa da belsene qatnasıp, jaqsı nátiyjelerge eristi. “Kórkem ónertanıw jurnalistikası” bóliminiń pitkeriwshileri Gulmira Paluanova, Darixa Darusheva hám Anar Jaqsımuratovalar tek ǵana jurnalistika baǵdarında qálem terbetip qoymastan, dramaturgiyada da ózlerin sınap kórip “Ókinish”, “Sońǵı pushayman”, “Qırsıq qoraz” sıyaqlı dóretpeleri menen xalıq teatrları festival’larına qatnasıp sıylı orınlardı iyeledi.

Filial jasları Respublika kóleminde hár jılı ótkerilip kiyatırgan “Nawrız”, “Ǵárezsizlik” bayramlarına, sonday-aq “Jalǵızsań sen muqaddes Oatan” tańlawına belsene qatnasıp óz dóretiwshilik qábiletlerin hár tárepleme kórsetip kelmekte. Máselen Inabat Jumaniyazova, Gul’yor Annaklıcheva, Injayım Kómekbaevalar “Nawrız” “Ǵárezsizlik” bayramlarınıń koncert baǵdarlamalarında qatnasıp tamashagóylerdiń alǵıslarına sazawar boldı. Usı bólimniń studenti Islam Maxamadiyarov bolsa Respublikalıq Atajan Xudayshukurov atındaǵı tańlawda qatnasıp, 3-orındı jeńip alıwǵa miyasar boldı. Bul da bolsa filialımızda dóretiwshilik jumıslarǵa ayırıqsha itibar qaratılıp atırǵanınan derek beredi.

“Televidenie hám radio rejissyorlıǵı” bólimi studentleri kurs basshısı Bektilew Nizamatdinov tárepinen saxnalastırılǵan Abdulla Tajibaevtın “Artist” spektakli menen Urgensh qalasında ótkerilgen “Talabalar baxori” festivalına qatnasıp, birinshi orındı jenip alıwǵa miyasar boldı.

Ózbekstan xalıq artisti Najimatdin Ańsatbaevtıń basshılıǵında “Drama teatrı rejissyorlıgı” bólimi studentleri Usnatdinova Aysulıw –Ch.Aytmatovtıń “Ana jer ana”, Koshanova Gulsharapat –Uygın, Izzat Sultannıń “Alisher Nawayı”, Abdullaev Bekmuxammed- K.Raxmanovtıń “Injıqtıń muhabbatı”, Utepbaev Azamat –A.Kaxhardıń “Saq ǵarǵa saǵaǵınan”, Bekjanov O’serbay –M.Karimniń “Ay tutılǵan túnde”, Asmetullaeva Nargiza –K.Raxmanovtıń “Jaralı júrekler” Nurımbetov Ájiniyaz –Q.Matmuratovtıń “Bir úyde eki O’mir”, Isaeva Gulbahar –K.Raxmanovtıń “O’lim jazası” spektakllerin tabıslı saxnalastırdı.

“Estrada aktyorlıǵı” bóliminiń studentleri oqıtıwshı L.Urazmbetovanıń rejisserlıǵında belgili rus jazıushısı A.P.Chexov shıǵarmaları tiykarında “Dún’yaǵa kórinbes kóz jaslar”, “Astan-kesten”, “Sudtan aldıńǵı tún” atlı benefis-diplom spektaklin saxnalastırdı. Sonday-aq ózimizdiń filialdıń birinshi “Karlıǵashlarınan” bolǵan jas dramaturg A.Ismailovtıń p’esası tiykarında saxnalastırılǵan “Tebrenbes júrekler” atlı diplom spektakli de tamashagóyler tárepinen jaksı kútip alındı. 2014-2015 oqıu jılı “Drama teatr hám kino aktyorlıǵı” bóliminiń studentleri oqıtıwshı Amangeldi Kudaynazarovtıń basshılıǵında yapon dramaturgi Dzuindzi Kinositonıń “Tırna párleri” atlı diplom aldı spektaklin, V.Shekspirdiń “Gamlet” diplom spektakllerin saxnalastırıp shet el dramaturgiyası úlgilerin qaraqalpaq saxnasına alıp kirdi, bunıń ózi qaraqalpaq kórkem ónerindegi úlken bir jańalıq boldı dep tolıq isenim menen ayta alamız.

Karaqalpaq mámleketlik quwırshaq teatrında kafedra oqıtıwshısı K.Qalilaev hám N.Pirimbetova tárepinen “Quwırshaq teatr aktyorlıǵı” jónelisi talabaları menen rus dramaturgi S.Mixalkovtıń “Úsh toray” atlı ertek p’esası, Oqıtıwshı M.Xojanovanıń “Dostıńnan tap”, J.Xojanovtıń “Mártlik penen jawızlıq” atlı eki bólimli ertek p’esaları saxnalastırıldı.

2015 jılı “Aktyorlıq kórkem-óneri” jónelisiniń “Kuuırshak teatrı aktyorlıgı” boliminiń studentleri J.Xojanovtıń “Aqquw haqqında ańız” atlı diplom spektaklin saxnalastırıp, jas tamashagóylerimizdiń ruuxıy rauajlanıuına óz úlesin qostı.

2015-2016 oqıu jılında “Muzıkalı teatr aktyorlıgı” hám “Muzıkalı teatr rejissyorlıgı” bólimleri studentleri Ózbekstan xalıq artisti Mırzagul Sapaeva hám Qaraqalpaqstanǵa xızmet kórsetken artist Sársenbay Uzaqbaevlardıń basshılıklarında saxnalastırılǵan J.Xojanovtıń “Qońsınıń qızı”, S.Xojaniyazovtıń “Súymegenge súykenbe” , “muzıkalı diplom spektaklleri keń jámiyetshilik tárepinen ayrıqsha bahalandı. “Muzıkalı teatr rejissyorlıǵı” bO’limi studentleri O’tepbergenov Ajiniyaz – N.Qosimovtıń “Adasqanlar”, Ilawatdinova Juldız –Ch.Aytmatovtıń “Jamila”, Qaypanova Rano- A.P.Chexovtıń “Xor qosıqshısı”, Orazımbetov Sultan –Nil’ Saymonnıń “Miymanxana”, Sharipov Ajiniyaz –K.Raxmanovtın “O’lim jazası”, Esbergenov Ruslan –U.Qoshimovtıń “Kutlı bolsın toylarıńız” spektakl’lerin S.Uzaqbaevtıń basshılıǵında saxnalastırıp, mámleketlik komissiya baslıǵı N.Qobilov tárepinen joqarı bahalandı.

Filialda “Kino, televidenie hám radio ses rejissyorlıǵı” bóliminiń studentleri oqıtıwshı Karamatdin Zaretdinov basshılıǵında diplom qániygelik jumıslarına “Kórkem hám xújjetli fil’mler” dóretip, usı bólimniń studentleri keleshekte ses rejissyorı qániygesi bolıp jetisiw ushın, respublikamızda ótkerilip atırǵan respublikalıq kólemdegi koncert baǵdarlamalarında qatnasıp tájiriybe toplamaqta.

2016-2017 oqıu jılı “Estrada aktyorlıǵı” bólimi studentleri kurs basshısı Karaqalpaqstan Respublikasına xızmet kórsetken artist B.Nazarımbetov hám pán oqıtıushısı G.Bekniyazova tárepinen Isfandiyar hám Bogdasarovtıń “Kıyanet” diplom spektaklin saxnalastırdı. Spektakl’ usı jılǵı “Talabalar studiyası” tańlauında “Jıldıń eń jaqsı” spektakli nominaciyasın jeńip alıuga miyassar boldı. L.Urazmbetova basshılıǵındaǵı “Estrada hám massalıq tamashalar rejissyorlıǵı” bólimi studentleri Farxad Bekniyazov -Sultanali Balǵabaevtıń “Qız jigirmaǵa shıqqanda” spektaklin, Ómirbek Bekturǵanov-Mexriban Xojanovanıń “Qıdır ata hám shaytan” fantastikalıq draması tiykarında “Aq hám qara” spektaklin, Altınbek Berdibaev- Saylawbay Jumaǵulovtıń “Adamlar qalay buzılǵan” ertek-p’esası tiykarında “Abaylı bolıń adamlar” spektaklin, Gózzal Dalieva-Anton Pavlovich Chexovtıń “Kalxas” p’esası tiykarında “Kalxas” spektaklin qániygelik diplom jumısları sıpatında saxnalastırdı.

Usı jılı “Fol’klor jamáátlerin basqarıu” bólimi studentleri kurs basshısı Qaraqalpaqstan xalıq baqsısı, “Zul’fiya” sıylıǵı hám “Doslıq” ordeniniń iyesi G.Axımbetova basshılıǵında diplom qániygelik jumısların mámleketlik komissiyası aǵzaları hám keń jámiyetshilikke ılayıqlı túrde tapsırıp ayrıqsha bahalarǵa eristi. “Televidenie hám radio rejissyorlıǵı” bólimi kurs basshısı B.Nizamatdinovtıń basshılıǵında kórkem hám hújjetli fil’mler jarattı. Usı kurstıń studenti Mars Orınbasarovtıń –Mubárek Rustamovanıń “Qalalı muǵallim” gúrrińi tiykarında islegen “Ustaz” fil’mi Ózbekistan kóleminde ótkerilgen jas kinorejissyorlar tańlauınında qatnasqan 200 den aslam fil’mniń ishinen sıylı 3-orındı jeńip alǵan bolsa. Xalıqaralıq “Prolog” kinofestivalında” “Ustaz” fil’mi “Jıldıń eń jaqsı qısqa metrajlı kórkemfil’mi” nominaciyasına ılayıq dep tabıldı.

2017-2018 oqıu jılı pitkeriwshilerimiz “Muzıkalı teatr aktyorlıǵı” bólimi studentleri kurs basshısı Qaraqalpaqstan xalıq artisti Jalǵasbay Sultabaevtıń basshılıǵında Orazbay Raxmanovtıń “Tirsekler” hám Keńesbay Raxmanovtıń “Togız tońkıldaq hám bir shińkildek” spektakl’lerin joqarı dárejede tamashagóyler názerine usındı.

2019 oqıw jılı bolsa Ózbekistan xalıq artisti Najimatdin Ansatbaevtıń basshılıǵında “Muzıkalı teatr aktyorlıǵı” bólimi studentleri Uzeir Gadjibekovtıń “Arshın-mal alan” hám Bayseyitov hám Shańkıtbaevlar avtorlıǵındaǵı “Úsh boydaq” spektakl’leri attestaciya komissiyası tárepinen ayrıqsha bahalarǵa bahalandı. Házirgi uaqıtta filialımızda 1-fakul’tet, 4-kafedrada 35 professor oqıtıwshı professor- oqıtıushı studentlerge bilim bermekte. Ótken oqıw jılı filialımız oqıtıwshılarınan Ózbekistan Respublikasına xızmet kórsetken artist Mar’yash Ismailova hám “Kórkemóner tanıw” fakul’teti dekanı, tariyx ilimleri kandidatı Gulshira Xodjametovalar Joqarı Attestaciya komissiyası tárepinen “docent” ilimiy ataǵın alıwǵa miyassar boldı.

 776 

Skip to content