1. +998-61-224-29-02 / fart_info@edu.uz
  2. +998-97-788-94-55 / fart-info@exat.uz
uzdsminf

ЖАСЛАРҒА ЖЕҢИЛЛИКЛЕР ЖАРАТЫЛМАҚТА

Avtor: ÓzMKÓMI Nókis filialı baspasóz xızmeti
Gruppa: Jańalıqlar
Sáne: 12.07.2021

Өзбекстан мәмлекетлик көркем өнер ҳәм мәденият институты Нөкис филиалында 2020-2021-оқыў жылынан баслап сыртқы бөлим ашылды. Сыртқы бөлим ашылған жылы филиалға 3 тәлим жөнелис бойынша 100 студент қабыл етилди. Соннан «Мәденият ҳәм көркем-өнер мекемелерин шөлкемлестириў ҳәм басқарыў» тәлим бағдарына 30 студент, «Китапхана хабар искерлиги» тәлим бағдарына 43 студент, «Көркем-өнертаныў: сахна ҳәм экран көркем-өнер драматургиясы» тәлим бағдарына 27 студент оқыўға қабыл етилди.

Соны айрықша атап өтиўимиз тийис, Президентмиз Ш.Мирзиёев 2020-жыл 25-декабрь күни мәмлекетимиз жаслары менен видеоселектор тәризинде өткерилген Өзбекстан жаслары форумында ҳәр бир район ҳәм қаладан 5 ке шекем жасларды мәденият ҳәм көркем өнер тараўы бойынша жоқары оқыў орынларында жергиликли бюджет есабынан оқытылыўын атап өткен еди.

Онда тийкарынан жергиликли ҳәкимликлер тәрепинен республикадағы ҳар бир район ҳәм қалаларда мәденият ҳәм көркем-өнер тараўында жумыс ислеп атырған, усы тараўда жетискенликлерге ерискен зийрек жасларды қабыл етиў белгиленген.

Бул бағдарда жергиликли ҳәкимликлер усынысы тийкарында қала ҳәм районлық мәденият ҳәм көркем-өнер тараўында жумыс ислеп атырған Қарақалпақстан Республикасы ҳәм Хорезм ўалаятында жасайтуғын зийрек жаслар – Өзбекстан мәмлекетлик көркем-өнер ҳәм мәденият институты Нөкис филиалының бакалавриат тәлим жөнелислери сыртқы тәлим түрине базалық төлеў-контракт тийкарында студент болыў бахтына миясар болды. Бунда Қарақалпақстан Республикасынан 85 жас, Хорезм ўалаятынан 65 жас филиалға қабыл етилди. Қабыл етилеген жәми 150 студент 2020-2021 оқыў жылынан баслап, 10  тәлим жөнелиси бойынша оқытылмақта.

Әлбетте, бул жеңилликлер елимизде жасларды қоллап-қуўатлаў, олардың оқып билим алыўлары ушын жаратылған имканиятлардың әмелий көриниси болып табылады.

Д.Пахратдинов,

Өзбекстан мәмлекетлик көркем өнер ҳәм мәденият

институты Нөкис филиалы Сыртқы бөлим баслығы.

 146