1. +998-61-224-29-02 / fart_info@edu.uz
  2. +998-97-788-94-55 / fart-info@exat.uz
uzdsminf

Жаслар – таянышымыз

Avtor: ÓzMKÓMI Nókis filialı baspasóz xızmeti
Gruppa: Jańalıqlar
Sáne: 26.07.2021

Жаслар менен ислесиў ушын ең дәслеп үлкен билим ҳәм тәжирийбе, талапшаңлық пенен бирге меҳрийбанлық та зәрүр.

Ш.Мирзиёев.

                                                                                         

Өзбекстан Республикасы Президентиниң 2017-жыл 5-июлдағы “Жасларға байланыслы мәмлекетлик сыясаттың нәтийжелилигин арттырыў ҳәм Өзбекстан жаслар аўқамының жумысын қоллап-қуўатлаў ҳаққында”ғы Пәрманында белгилеп берилген тийкарғы ўазыйпалардың орынланыўын тәмийинлеў мақсетинде мәмлекетимизде кең көлемли жумыслар әмелге асырылмақта. Бул бағдарда Өзбекстан мәмлекетлик көркем өнер ҳәм мәденият институты Нөкис филиалы жаслар аўқамы басланғыш шөлкеми тәрепинен де нәтийжели жумыс алып барылмақта. Атап айтқанда, студент-жаслардың бос ўақытларын мазмунлы өткериўде «Китапхан жаслар», «Волейбол», «Шахмат» дөгереклери өз жумысын алып бармақта. Жаслардың руўхый дүньясын асырыў, олар арасында китапқумарлықты үгит-нәсиятлаў, қарақалпақ, өзбек ҳәм жәҳән әдебияты дүрданалары менен жақыннан таныстырыў, китап оқыў арқалы олардың бос ўақтын мазмунлы өткериў мақсетинде филиал жаслары қатнасыўында «Китап-инсан қәлбиниң нуры» атамасында ушырасыўлар шөлкемлестирилип келинбекте. Онда ҳәр бир студент китаптың пайдасы, өзи оқыған китаплары ҳаққында кең түрде айтып берди. Соның менен бирге, жаслар аўқамы кеңеси басламасы менен «Саўап исти ҳәр ким ҳәр күни ислеўи керек» ураны тийкарында Хожели районындағы меҳрибанлық үйи тәрбияланыўшыларынан хабар алынып, концерт бағдарламалары қойып берилди. Сондай-ақ, «Жаңа Өзбекстанды әлбетте, жаслар менен бирге қурамыз!» сүрени астында өткерилген «Таза қала» көклемзарластырыў акциясында филиалымыз «Ең белсене қатнасқан жоқары оқыў орны» номинациясы бойынша жеңимпаз болып Нөкис қаласы ҳәкимлиги ҳәм Өзбекстан Жаслар аўқамы Қарақалпақстан Республикалық Кеңеси тәрепинен дипломлар менен сыйлықланды. Жасларға тийисли мәмлекетлик сиясаттың әмелге асырылыўын тәмийинлеў мақсетинде 2020-2021-оқыў жылында Қарақалпақстан Республикасы Жоқарғы Кеңеси басламасы менен темир дәптерге киргизилген шын жетим, майыплығы болған, меҳрибанлық үйинде тәрбияланған ҳәм бағыўшысын жоғалтқан шәртнама тийкарында оқып атырган 8 студентке шәртнама пуллары төлеп берилди.

Президентимиз Ш.Мирзиёев 2020-жыл 25-декабрь күни мәмлекетимиз жаслары менен видеоселектор тәризинде өткерилген Өзбекстан жаслары форумында ҳәр бир район ҳәм қаладан 5 талантлы жасларды имтиҳансыз оқыўға қабыллаў, олардың шәртнама пуллары бес жыл даўамында жергиликли бюджет есабынан төлеп барылатуғынлығы бойынша усыныс билдирген еди. Билдирилген пикир-усыныс тийкарында Өзбекстан мәмлекетлик көркем өнер ҳәм мәденият институты Нөкис филиалына Қарақалпақстан Республикасынан 85 жас, Хорезм ўәлаятынан 65 жас сыртқы бөлимге қабыл етилди.

Әлбетте, бул жаратыған имканиятлар елимизде жасларға қаратылған айрықша итибар ҳәм ғамқорлықтың айқын көриниси болып табылады.

Ж.Бердимуратов,

Өзбекстан жаслар аўқамы Өзбекстан мәмлекетлик көркем өнер ҳәм

мәденият институты Нөкис филиалы басланғыш шөлкеми жетекшиси.        

 147