1. +998-61-224-29-02 / fart_info@edu.uz
  2. +998-97-788-94-55 / fart-info@exat.uz
uzdsminf

ФИЛИАЛ ПРОФЕССОР-ОҚЫТЫЎШЫЛАРЫ СЫЙЛЫҚЛАНДЫ

Avtor: ÓzMKÓMI Nókis filialı baspasóz xızmeti
Gruppa: Jańalıqlar
Sáne: 08.09.2021

Ең уллы, ең әзиз саналған ғәрезсизлигимиздиң 30 жыллық байрамы мүнәсибети менен елимиздиң жәмийетлик-сиясий, социал-экономикалық турмысында белсендилик көрсетип киятырған бир топар пидайы инсанлар «Өзбекстан Республикасы Ғәрезсизлигиниң 30 жыллығы» естелик белгиси менен сыйлықланған еди.

Усындай көкирек белгиси менен сыйлықланғанлар арасында Өзбекстан мәмлекетлик көркем өнер ҳәм мәденият институты Нөкис филиалы директоры А.Аяпов, «Режиссура ҳәм актёр шеберлиги» кафедрасы баслығы Л.Уразымбетова, «Техноген ҳәм драматургия көркем өнери» кафедрасы оқытыўшысы Ж.Хожанов ҳәм «Халық дөретиўшилиги» кафедрасы оқытыўшысы Н.Қәллибековлар да «Өзбекстан Республикасы Ғәрезсизлигиниң 30 жыллығы» естелик белгиси менен сыйлықланды.

Филиал профессор-оқытыўшылары менен хызметкерлери атынан устазларымызды қутлықлап, оларға беккем ден-саўлық, жасларға илим-билим сырларын үйретиўдеги ийгиликли жумысларында табыслар тилеймиз.

Г.Жартыбаева,

ӨзМКӨМИ Нөкис филиалы баспасөз хызмети.

 70