1. +998-61-224-29-02 / fart_info@edu.uz
  2. +998-91-394-96-77 / fart-info@exat.uz
uzdsminf

САЙЛАЎ ҲӘМ ЖАСЛАР АТАМАСЫНДА УШЫРАСЫЎ ӨТКЕРИЛДИ

Avtor: ÓzMKÓMI Nókis filialı baspasóz xızmeti
Gruppa: Jańalıqlar
Sáne: 09.10.2021

Хабарыңыз бар усы жыл 24-октябрь күни Өзбекстан Республикасы Президентлигине сайлаў болып өтеди. Сайлаўда жаслардың белсендилигин арттырыў ҳәм сайлаў нызамшылығы бойынша билимлерин асырыўда орынларда илажлар өткерилмекте.   

Өзбекстан мәмлекетлик көркем онер ҳәм мәденият институты Нөкис филиалында «Сайлаў ҳәм жаслар» атамасында ушырасыў болып өтти. Оған профессор-оқытыўшылар ҳәм студент-жаслар қатнасты.

Илажды филиал директоры А.Аяпов басқарып барды. Онда Өзбекстан Республикасы Олий Мажлис Нызамшылық палатасы депутаты М.Ибрагимов шығып сөйлеп, елимизде болып өтетуғын Өзбекстан Республикасы Президенти сайлаўының әҳмийетин, сондай-ақ, сайлаўда қатнасыўшы жаслар бул сиясий мапазда бийпарық болмай белсендилик пенен қатнасыў кереклигин атап өтти.  

Ушырасыў даўамында Жаңа Өзбекстанды ҳәм Үшинши Ренессанс тийкарын жаратыў бағдарында әмелге асырылып атырған түпкиликли реформалар, онда  белгиленген тийкарғы бағдарлардың мазмун-мәниси бойынша да түсиник берилди.

Әлбетте, бундай ушырасыўлардың өткерилиўи жаслардың сайлаў нызамшылығы бойынша билимлерин беккемлеў, соның менен бирге, сиясий партиялар турмысы ҳаққында кеңнен түсиникке ийе болыўында әҳмийетли есапланады.  

Илаж соңында студент-жаслар өзлерин қызықтырған сораўларына жуўап алды.

ӨзМКӨМИ Нөкис филиалы баспасөз хызмети.

 65 

Paydalı derekler