1. +998-61-224-29-02 / fart_info@edu.uz
  2. +998-91-394-96-77 / fart-info@exat.uz
uzdsminf

НӘШЕБЕНТЛИКТИҢ УНАМСЫЗ АҚЫБЕТЛЕРИ ТҮСИНДИРИЛДИ

Avtor: ÓzMKÓMI Nókis filialı baspasóz xızmeti
Gruppa: Jańalıqlar
Sáne: 12.10.2021

Усы жыл 12-октябрь күни Өзбекстан мәмлекетлик көркем өнер ҳәм мәденият институты Нөкис филиалында «Нәшебентлик ҳәм жынаятшылықтың алдын алыў» атамасында ушырасыў болып өтти.

Оған филиал профессор-оқытыўшылары, студент жаслар ҳәм ҳуқық қорғаў уйымларының ўәкиллери қатнасты.

Илажды филиал директоры А.Аяпов басқарып барды. Онда Өзбекстан Республикасы Министрлер Кабинети жанындағы нǝшебентлик затларды қадағалаў орайы бөлим баслығы М.Өтениязов, Өзбекстан Республикасы ИИМ Жынаят қыдырыў бас басқармасы бөлим баслығы А.Матлюбов, Қарақалпақстан Республикасы ИИМ Жынаят қыдырыў басқармасы баслығы орынбасары Н.Адилбеков ҳәм басқалар шығып сөйлеп, жынаятшылықтың  унамсыз ақыбетлери ҳәм нәшебентликтиң инсан саламатлығына кери тәсир көрсетиўши иллет екенлигине айрықша тоқтап өтти.

Ушырасыўда атап өтилгениндей, инсан организми нәшебентлик затларды қабыл еткеннен кейин оған үйренип қалыўы тәбийғый жағдай. Ол АИЖС, гепатит, туберкулёз сыяқлы кеселликлерди келтирип шығарады. Статистикалық мағлыўматларға қарағанда нәшебентлик затларды қабыллаған ҳәр бир адам бир жыл даўамында орташа жети, сегиз адамды өзиниң қатарына қосады екен. Сонлықтан жасларды жәмийетимизге жат болған қәўиплерден қорғаў, ана Ўатанға ҳүрмет ҳәм миллий қәдириятлар руўхында тәрбиялаў баслы ўазыйпалардан саналады. Бул бағдарда жаслардың бос ўақытларын мазмунлы өткериўге қаратылған үгит-нәсият илажларын турақлы түрде алып барыўмыз тийис.

Илаж соңында жасларды сергекликке шақырыўшы «Ўзини йуқатганлар» атлы ҳүжжетли фильм қойып берилди.

ӨзМКӨМИ Нөкис филиалы баспасөз хызмети.

 59 

Paydalı derekler