1. +998-61-224-29-02 / fart_info@edu.uz
  2. +998-91-394-96-77 / fart-info@exat.uz
uzdsminf

ИСЕНИМЛИ ЎӘКИЛ ЖАСЛАР МЕНЕН УШЫРАСТЫ

Avtor: ÓzMKÓMI Nókis filialı baspasóz xızmeti
Gruppa: Jańalıqlar
Sáne: 13.10.2021

Хабарыңыз бар усы жыл 24-октябрь күни Өзбектстан Республикасы Президентлигине сайлаў болып өтеди. Әйне күнлери Өзбекстан Республикасы Президенти сайлаўында қатнасыў ушын сиясий партиялардан усынылған талабанлардың сайлаў алды бағдарламасының тийкарғы бағдарларын үгит-нәсиятлаў илажлары өткерилмекте.

Өзбекстан мәмлекетлик көркем өнер ҳәм мәденият институты Нөкис филиалы ҳәм Өзбекстан мәмлекетлик консерваториясының Нөкис филиалы студент-жасларының қатнасыўында Өзбекстан Республикасы Президентлигине талабан, әмелдеги Президент Ш.Мирзиёевтиң сайлаў алды бағдарламасын үгит-нәсиятлаў илажы болып өтти.

Онда ӨзЛиДеП партиясынан усынылған талабанның исенимли ўәкили А.Данияров шығып сөйлеп, сайлаўшыларға Президентликке талабан Ш.Мирзиёевтиң өмирбаяны ҳәм өткен бес жыл даўамында Ҳәрекетлер стратегиясы шеңберинде әмелге асырылған реформалар, сондай-ақ, алдағы жылларда әмелге асырылыўы режелестирилген 5 жыллық сайлаўалды бағдарламасы ҳаққында кең түрде мағлыўматлар берди.

Ушырасыўда исенимли ўәкил Ш.Мирзиёевтиң биринши нәўбетте инсан мәпин үстин қойыўшы инсан екенлиги, бул бағдарда мәмлекетимизде пуқаралардың аўырын жеңил етиў, мүтәжликлерин қанаатландырыўда «Халық мәмлекетлик уйымларға емес, мәмлекетлик уйымлар халыққа хызмет етиў керек» деген принциптиң турмысқа енгизилгенлигин айрықша атап өтти.  

– Буннан 5 жыл алдын ӨзМКӨМИ Нөкис филиалында тәлим алыўшылар 100ге жетпейтуғын еди. Ал, бүгинги күнге келип бул дәргайда оқып атырған студентлер 1000ға жақын. Өзбекстан мәмлекетлик консерваториясы Нөкис филиалының шөлкемлестирилиўи, сондай-ақ, Шавкат Мирзиёев Өзбекстан жаслары форумындағы жаслар менен ушырасыўында ўәлаят ҳәкимлери ҳәр бир қала ҳәм районнан 5 жасқа шекем жасларды мәденият, көркем өнер жоқары оқыў орынларына жергиликли бюджет есабынан оқытыў ҳәм алдағы ўақытлары оларды өз аймағында үй-жай, қәнигелиги бойынша жумыс пенен тәмийинлеў илажларын көриў бойынша тапсырмалар берген еди. Әлбетте бул талабанымыз Ш.Мирзиёевтиң қарақалпақстанлы мәденият, көркем өнер тараўына қызығыўшы жаслар ушын жаратып берген әмелдеги бийкарлап болмас шексиз имканиятларынан десем қәтелеспеймен, – дейди А.Данияров.

ӨзМКӨМИ Нөкис филиалы баспасөз хызмети.

 36 

Paydalı derekler