Uzdsmi-NF.uz Logo

Nashr qilingan sana Juma, 10 Iyul, 2020

Shet elli kásiplesler menen óz-ara tájiriybe almasıw

Amerika qurama shtatı (AQSh) nan Ózbekstan Respublikasına kelgen qonaqlar Ózbekstan mámleketlik kórkem óner hám mádeniyat institutı Nókis filialına da kelip ózleriniń bay tájiriybeleri menen student jaslar arasında sáwbetlesiw ótkerdi hám de óz qánigelikleri boyınsha kóplegen maǵlıwmatlardı hám video roliklerdi qoyıp túsindirip berdi.

Ózbekstan Respublikası Prezidenti basshılıǵında bes áhmiyetli baslamasın ámelge asırıw barısında jaslardıń bos waqıtların mazmunlı ótkeriw maqsetinde student jaslar arasında shet elli qánigeler menen birgelikte saxnalıq kórinis hám kino rejissyorlıq sabaǵınan túsinik jumısların alıp bardı.

Bulardıń arasında Djuliana Parroni (AQSh), Mariya Musakova (Fokus kinoshılar mektebi), Elena Lopatko (Fokus kinoshılar mektebi), Navbahor Sharipova ("Yunesko" shólkeminiń Tashkent qalalıq bólimi qánigesi), Xaritonov Ivan Aleksandrovich, Batashev Amir, Kolon Irinsler bir qansha ózbekshe, orıssha, shet el kinolardan úzindiler kórsetip kino alǵanda nelerge itibar qaratıw kerek, kinonıń scenariyin qalay jazıw, kino qalay jazılsa, qanday etip túsirilse tartımlı shıǵıwı múmkinligi haqqında keńnen túsinik berdi.

Studentlerge túsinik beriw barısında rolge kiriw tayarlıqların birgelikte saxnada kórsetip berdi. Olarǵa hár túrli janrdaǵı rolge kirip kórsetip beriwlerin soradı. Filial student jasları ózleriniń oyındaǵı hár túrli janırdaǵı rollerdi saxnaǵa shıǵıp kórinis sıpatında rolge kirisip ketti. Bunı kórgen shet ellik miymanlar tań qalıp raxmetler ayttı.

AQShdan kelgen miyman Djuliana Parroni studentler menen awdarmashısı arqalı sóylesip olarǵa:

– sizler maǵan unadıńız, qábiletińiz bar eken, jáne de óz ústińizde kóbirek izlenseńiz keleshekte úlken aktyor bolıp jetilisesiz" – dep, sózin juwmaqladı.

Shet elli miymanlardı shıǵarıp salar aldında filial jámááti olarǵa estelik sıpatında qaraqalpaqtıń milliy naǵısları menen bezelgen erler shapanı hám hayal-qızlarına jeńsizler sawǵa etti. Bul sawǵanı alǵan qonaqlardıń kewilleri kóterilip qaldı.

  • National flag of Uzbekistan
  • National symbolics of Uzbekistan
  • National anthem of Uzbekistan