ФИЛИАЛДА БАЙРАМ ИЛАЖЫ ӨТКЕРИЛДИ

Өзбекстан мәмлекетлик көркем өнер ҳәм мәденият институты Нөкис филиалында «8-март Халықаралық ҳаял-қызлар күни» мүнәсибети менен байрам кешеси өткерилди.
Илажда Филиал директоры А.Аяпов шығып сөйлап, жыйналғанларды байрам менен қызғын қутлықлады. Буннан соң, «Режиссура ҳәм актёр шеберлиги» кафедрасы оқытыўшысы М.Юсупбаев өзиниң кәсиплес ҳаял-қызларға арнап жазған қосығын оқып берди.
Бүгинги күнде филиалда билим алып атырған жаслардың 48 прoцентин студент қызлар қурайтуғын болса, оларға илим-билим сырларын үйретип атырған профессор-оқытыўшылардың 47 процентин ҳаял-қызлар қурайды. Олар арасынан 4 илим кандидаты, Өзбекстан Республикасына хызмет көрсеткен артист, «Ниҳол» сыйлығы лауреаты, «Зульфия» атындағы мәмлекетлик сыйлық ийелериниң бар екенлиги жәмәәт ушын үлкен мақтаныш есапланады.
Илаж соңында қатнасыўшыларға байрам саўғалары тапсырылып, студент-жаслар тәрепинен таярланған концерт бағдарламасы қойып берилди. Әсиресе, «Халық дөретиўшилиги» кафедрасы оқытыўшысы Н.Қаллибеков тәрепинен атқарылған «Нәзәлим дилбар» атлы қосығы жыйналғанларға өзгеше заўық бағышлады.

ӨзМКӨМИ Нөкис филиалы баспасөз хызмети.

 166 

Skip to content