«Ниҳол» сыйлығы таңлаўының Нөкис қалалық басқышы болып өтти

Бугин Нөкис қалалық мәденият бөлиминде Өзбекстан Республикасы Президентиниң жас талант ийелери ушын «Ниҳол» сыйлығы таңлаўының Нөкис қалалық басқышы болып өтти.

Өткерилген таңлаўда Өзбекстан мәмлекетлик көркем өнер ҳәм мәденият институты Нөкис филиалы студент-жаслары қатнасып, өзлериниң талант ҳәм уқыплылығын сыннан өткерди.

Жарыс жуўмағында «Эстрада атқарыўшылығы» жөнелиси бойынша музикалы театр актёрлығы қәнигелиги 2-курс студенти Ш.Пралиев 1-орын, А.Нуратдинов болса 3-орынға ылайдық деп табылды.

Жарыста сондай-ақ, «Аяқ ойын атқарыўшылығы» жөнелипси бойынша қосық ҳәм аяқ ойын қәнигелиги 1-курс студенти А.Жолдасбаев 2-орынды ийелеген болса, К.Жаңабаева белсенди қатнасқанлығы ушын «Ҳүрмет» жарлығы менен сыйлықланды.  

«Ниҳол» сыйлығы дөретиўши жаслардың жәмийетимиздиң руўхый-ағартыўшылық турмысын раўажландырыўдағы орнын есапқа алып, өзиниң эстрада, музыка, классикалық қосық, аяқ-ойын ҳәм опера көркем өнери атқарыўшылығы тараўындағы шеберлиги менен адамлардың жүрегине жетип баратуғын, жасларды ийгиликли ислерге бағдарлайтуғын, оларды руўхый жақтан жетик, бәркамал инсанлар етип етип тәрбиялаўға хызмет ететуғын дөретпелер жаратыўда белсендилик көрсетип киятырған 17 жастан 25 жасқа шекем болған қәбилетли жасларды турақлы хошаметлеп барыў мақсетинде бериледи.

Жарыс жеңимпазлары таңлаўдың Республикалық басқышына жоллама алды.

 90 

Skip to content