ФИЛИАЛДА ҚАРАҚАЛПАҚСТАН РЕСПУБЛИКАСЫ КОНСТИТУЦИЯСЫНЫҢ 28 ЖЫЛЛЫҒЫ МҮНӘСИБЕТИ МЕНЕН УШЫРАСЫЎ БОЛЫП ѲТТИ

Быйыл Қарақалпақстан Республикасы Конституциясының қабыл етилгенине 28 жыл толды. Конституция мəмлекеттиң тийкарғы нызамы болып, ҳəр бир мəмлекеттиң келбети ҳəм келешегин белгилейди. 1993-жыл 9-апрельде қабыл етилген Қарақалпақстан Республикасы Конституциясы мəмлекетимиздиң ең жоқары юридикалық күшке ийе бол­ған Тийкарғы нызам есапланады.

Сәне мүнәсибети Өзбекстан мәмлекетлик көркем өнер ҳәм мәденият институты Нөкис филиалында ушырасыў болып өтти. Оған Сенат ағзалары, ҳуқық қорғаў уйымлары ўәкиллери, студент-жаслар, сондай-ақ, ғалаба хабар қуралларының хызметкерлери қатнасты.

Илажды Өзбекстан мәмлекетлик көркем өнер ҳәм мәденият институты Нөкис филиалы директоры А.Аяпов кирис сѳз бенен ашып берди ҳәм Тийкарғы нызамымыздың әҳмийетине тоқтап, жыйналғанларды байрам менен қутлықлады.

Буннан соң, Өзбекстан Республикасы Олий Мажлиси Сенатының ағзасы, «Қарақалпақ әдебияты» газетасының Бас редакторы Г.Аннақлычева, Өзбекстан Республикасы Бас прокуратурасы жанындағы экономикалық жынаятларға қарсы гүресиў департаменти Қарақалпақстан Республикасы басқармасы баслығы орынбасары А.Ибрагимов, Қарақалпақстан Республикасы судының судьясы М.Байниязовлар шығып сөйлеп, Конституциямыздың халқымыз турмысындағы әҳмийети, мәмлекетимизде алып барылып атырған кең көлемли реформалар, жаслар сиясаты ҳәм басқа да әҳмийетли өзгерислерди жүргизиўдиң тийкарғы ҳуқықый таянышы екенлигин атап өтти. 

-Бас нызамымыздың турмысымыздағы орны ҳәм әҳмийети оғада жоқары. Себеби, ҳәр бир пуқараның нызамлы мәплери ҳәм еркинлигин тәмийнлеўде Конституция баслы ҳуқықый ҳүжжет есапланады, – дейди Жаслар менен ислесиў, Руўхый ҳәм ағартыўшылық бөлим баслығы О.Қдырниязова.  – Келешек ийелери болған жасларды ана Ўатанға садықлық руўхында тәрбиялаўда ҳәм олардың ҳуқықый санасын асырыўда Конституциямыздың мазмун-әҳмийетин жасар қәлбине сиңдириўдеги ийгиликли жумысларымызды еле де тереңирек даўам еттириўимиз лазым.  

Илаж соңында қатнасыўшылар қәнигелерге мүрәжат етип, тийисли жуўаплар алды.

ӨзМКӨМИ Нөкис филиалы баспасөз хызмети  

 132 

Skip to content