«Жоқары оқыў орыны ҳәм мектеп» принципи тийкарындағы жумыслар

Ѳзбекстан мәмлекетлик кѳркем ѳнер ҳәм мәденият институты Нѳкис филиалы тәрепинен «Жоқары оқыў орыны ҳәм мектеп» принципи тийкарында улыўма орта билим бериў мектеплери менен бирге ислесиўде нәтийжели жумыслар әмелге асырылмақта.
Филиал профессор-оқытыўшыларының қатнасында Нѳкис қалалық Халық билимлендириў бѳлимине қараслы 30-санлы улыўма орта билим бериў мектеп оқыўшылары менен ушырасыў шѳлкемлестирилди.
Онда «Техноген ҳәм драматургия көркем өнери» кафедрасы баслығы К.Заретдинов, «Режиссура ҳәм актёрлық шеберлиги» кафедрасы доценти М.Исмайлова ҳәм усы кафедраның аға оқытыўшысы Г.Бекниязова, сондай-ақ, «Халық дөретиўшилиги» кафедрасы аға оқытыўшысы Л.Махамматдиновалар шығып сѳйлеп, соңғы жыллары жоқары оқыў орынларында әмелге асырылып атырған өзгерислер ҳәм жасларға жаратылған имканиятлар, сондай-ақ, мектеп питириўшилерине жоқары оқыў орынларына кирип, келешекте таңлаған кәсибиниң жетик устасы  болып жетилисиўине тилеклеслик билдирди.
Буннан соң, көркем өнер ҳәм мәденият тараўына қызығыўшы оқыўшыларға шеберлик сабақлары өтилди. Ѳз гезегинде мектеп оқыўшылары ѳзлери таярлаған монолог, сахналық шығармалар, қосық ҳәм аяқ-ойынларын жыйнағанларға қойып берди.

ѲзМКѲМИ Нѳкис филиалы баспасѳз хызмети.

 47 

Skip to content