29-апрель―Халықаралық аяқ ойын күни кең түрде белгиленди

Усы жылдың 29-апрель күни Өзбекстан мәмлекетлик көркем өнер ҳәм мәденият институты Нөкис филиалында 29-апрель―Халықаралық аяқ ойын күни мүнәсибети менен салтанатлы кеше шөлкемлестирилди.

Илажда филиал директоры А.Аяпов сөзге шығып, көркем өнер тараўында аяқ ойынның тутқан орны, оның әҳмийети ҳәм әлўән түрли қырлары ҳаққында атап өтти.

Буннан соң, филиал студент-жаслары ҳәм профессор-окытыўшылар тәрепинен таярланған концерт бағдарламасы жыйналғанлар назерине усынылды.

– Бүгинги байрам кешесине «Тумар» аяқ ойын ансамбли де өзиниң атқарыўлары ҳәм көргизбели шығыўлары менен қатнасты, – дейди «Тумар» аяқ ойын ансамблиниң көркемлик жақтан басшысы Е.Халмуратов. – Аяқ ойын бул – өз алдына бир дүнья, онда мәденият, сезимталлық, спорт сыяқлы бир қанша элементлер ҳәм инсанның көп қырлы жасырын туйғы-сезимлери орын алған. «Бал аяқ ойынлары», «Заманагөй джазз», «Классика, хореография», «Балет», «Танго», бул дизимди еле толықтырып бара бериўге болады. Булар тек ғана аяқ ойын емес, импровизация, тапқырлық, дөретиўшилик, дем алыс ҳәм шериги менен тығыз ҳәм руўхый жақтан байланысты аңлатады. Бир сөз бенен айтқанда аяқ ойын бул – көркем өнердиң әжайып мерўерти.

 Айтып өтиў орынлы,  29-апрель сәнесин барлық аяқ ойыншылар, балетмейстерлер ҳәм хореография тараўы хызметкерлери кәсиплик байрамы сыпатында кең түрде белгилейди.

Сәне 1982-жылда YUNESKOның Халықаралық Аяқ ойын Кеңеси тәрепинен енгизилген болып, бул сәне француз хореографы, балеттиң теорияшысы ҳәм реформаторы, тарийхқа «Заманагөй балеттиң атасы» сыпатында кирген Георгес Новер ҳүрметине оның туўылған күни менен белгиленген.

 57 

Skip to content