НЫЗАМШЫЛЫҚТАҒЫ ѲЗГЕРИСЛЕРГЕ ТҮСИНИК БЕРИЛДИ


Ѳзбекстан мәмлекетлик кѳркем ѳнер ҳәм мәденият институты Нѳкис фил алында суд-ҳуқық уйымлары ўәкиллериниң қатнасында тараўда әмелге асырылып атырған жумыслар ҳәм Ѳзбекстан Республикасы нызамшылық ҳүжжетлерине киргизилген ѳзгерис ҳәм қосымшаларды үгит-нәсиятлаўда ушырасыў болып ѳтти.
Илажды филиал директоры А.Аяпов басқарып барды. Онда Қарақалпақстан Республикасы Судының жынаят ислери бойынша коллегиясы судьясы А.Абдикаримов, Қарақалпақстан Республикасы Судының пуқаралық ислери бойынша коллегиясы судьясы А.Керимбаев, Қарақалпақстан Республикасы Судының экономикалық ислери бойынша коллегиясы судьясы Б.Қтайбеков ҳәм басқалар шығып сѳйлеп, соңғы жыллары елимизде суд-ҳуқық уйымлары тараўында әмелге асырылып атырған жумыслар, сондай-ақ, Ѳзбекстан Республикасының 2021-жыл 30-марттағы «Ѳзбекстан Республикасының айырым Нызам ҳүжжетлерине ѳзгерис ҳәм қосымшалар киргизиў ҳаққында»ғы нызамы менен Ѳзбекстан Республикасының Ҳәкимшилик жуўапкершилик ҳаққындағы Кодекси, Ѳзбекстан Республикасының Жынаят кодекси ҳәм Ѳзбекстан Республикасының «Мәлимлемелестириў ҳаққында»ғы Нызамларына ѳзгерис ҳәм қосымшалар киргизилгенлиги, олардың мазмун-мәниси ҳаққында айрықша тоқтап ѳтти.


– Жаслардың ҳуқықый билим ҳәм ҳуқықый мәдениятын жетилистириўде суд-ҳуқық уйымлары хызметкерлиниң қатнасында турақлы ушырасыўлар шѳлкемлестирилип келинбекте, – дейди Жаслар менен ислесиў, Руўхый ҳәм ағартыўшылық бѳлими баслығы О.Қдырниязова. Бүгинги ушырасыўдан студент-жаслар жаңа редакцияда қабыл етилген ҳуқықый ҳүжжетлер ҳаққында кең түсиникке ийе болды.
Илаж соңында студент-жаслар ѳзлерин қызықтырған сораўларға жуўап алды.


ѲзМКѲМИ Нѳкис филиалы баспасѳз хызмети.

 48 

Skip to content