“O’zLiDeP – жаслар менен бирге” атамасында ушырасыў өткерилди

Сонғы жыллары мәмлекетимизде жаслардың ҳуқықый санасын раўажландырыў, демократиялық мәмлекет қурыў ҳәм пуқаралық жәмийетин раўажландырыў сыяқлы әҳмийетли сиясий процеслерде олардың белсендилигин арттырыўға айрықша дыққат қаратылып атыр.        

         Жақында Өзбекстан мәмлекетлик көркем өнер ҳәм мәденият институты Нөкис филиалында жақынлап киятырған ғәрезсизлигимиздиң 30 жыллығы байрамы мүнәсибети менен  O’zLiDeP Қарақалпақстан Республикасы Кеңеси менен биргеликте “O’zLiDeP – жаслар менен бирге” атамасында илаж шөлкемлестирилди.

 Онда O’zLiDeP Қарақалпақстан Республикасы Кеңеси аппарат баслығы Ш.Өтемисов, филиалдың жаслар менен ислесиў, руўхыйлық ҳәм ағартыўшылық бөлими баслығы О.Кдирниязова, жаслар аўқамы жетекшиси Ж.Бердимуратов, Халық дөретиўшилиги кафедрасы оқытыўшысы Г.Ахымбетовалар шығып сөйлеп, сонғы жылларда жаслардың ҳуқықый санасын жетилистириў, мәмлекетимизде оларға қаратылып атырған үлкен итибар, жасларға тийисли мәмлекетлик сиясатының алып барылыўы бойынша кең түрде түсиник берди.  

         Илажда партия ўәкиллери, студент-жаслар ҳәм ҒХҚ ўәкиллери қатнасты.  

Бүгинги күнде партияның “Жаслар қанаты” тәрепинен де жасларды ҳәр тәреплеме қоллап-қуўатлаў, белсенди ҳәм басламашы болған жасларды партия қатарына қамтып алыў, жәмлеспеген жаслардың бәнтлигин тәминлеў, оларды исбилерменликке бағдарлаў сыяқлы жөнелислер бойынша унамлы жумыслар әмелге асырып келинбекте.

         Илаж шеңберинде партия менен тығыз бирге ислесип киятырған ҳәм белсенди жаслар партия ағзалығына қабыл етилди ҳәм партия гуўалықлары тапсырылды.

ӨзМКӨМИ Нөкис филиалы баспасөз хызмети       

 46 

Skip to content