Ашық есиклер күни шөлкемлестирилди

Усы жылдың 4-май күни Өзбекстан мәмлекетлик көркем өнер ҳәм мәденият институты Нөкис филиалында Беруний районы 24-санлы улыўма билим бериў мектеби оқыўшылары қатнасыўында «Ашық есиклер күни» болып өтти.

Дәслеп филиал директоры А.Аяпов пенен биргеликте ушырасыў өткерилип, филиалда билим алып атырған студент-жаслардың билим алыў процеси, олардың талант ҳәм уқыплылығын жүзеге шығарыў бағдарында филиал жәмәәти тәрепинен жаратылып атырған имканиятлар, үлгили жаслардың жетискенликлери бойынша кең түрде түсиник берилди. Илажда сондай-ақ, Көркем өнертаныў факультети деканы Г.Ходжаметова менен оқыўшы-жаслар жақыннан сәўбетлести.

Буннан соң мектеп оқыўшылары «Халық дөретиўшилиги» кафедрасы оқытыўшылары менен биргеликте филиал студент-жасларының сабақ барысы менен танысты.

Айтып өтиў орынлы, тийкарынан әмелий түрде өткерилип атырған сабақларды 23-санлы мектеп оқыўшылары үлкен қызығыўшылық пенен тамашалады.

Илаж даўамында оқыўшы-жаслар «Ашық есиклер күни» шеңберинде Тумар аяқ ойын ансамблинин таярлық процеси ҳәм филиалда шөлкемлестирилген «Шебер қоллар» орайы жумысы менен жақыннан таныстырылып, «Бир китапқа бир кофе» шеңберинде филиал китапханасында шөлкемлестирилген оқыў залында 1 чашка кофе үстинде китаплар дүньясы менен танысты.

ӨзМКӨМИ Нөкис филиалы баспасөз хызмети

 37 

Skip to content