ФИЛИАЛ ОҚЫТЫЎШЫЛАРЫ СОҢҒЫ ҚОҢЫРАЎ КЕШЕСИНЕ ҚАТНАСТЫ

Бүгин барлық орынларда «Соңғы қоңыраў» кешелери жоқары көтериңкилик жағдайда өткерилмекте. Усы жыл 25-май күни филиал профессор-окытыўшылары Елликқала районы 51-санлы ҳәм Беруний районы  Халық билимлендириў бөлимине қараслы 24-санлы мектепте өткерилген соңғы қоңыраў кешесине қатнасты.

Онда «Социал-гуманитар пәнлер» кафедрасы оқытыўшысы С.Кожалепесов, «Халық дөретиўшилиги» кафедрасы оқытыўшысы М.Палўаниязов, «Техноген ҳәм драматургия көркем өнери» кафедрасы оқытыўшысы М.Абдиреймов ҳәм «Режиссура ҳәм актёрлық шеберлиги» кафедрасы А.Отепбергеновлар шығып сөйлеп, мектеп питкериўшилерин бүгинги байрам менен қутлықлап, Президентимиздиң питкериўши ул-қызларға жоллаған байрам тилеклерин жеткерди. Сондай-ақ, мәмлекетимизде жоқары оқыў орынларына кириў ушын жасларға жаратылып атырған имканиятлар ҳаққында тоқтап, бул жолда оларға ҳақ жол тиледи.

Илаж соңында естелик ушын сүўретке түсти.

Бийбисара Жартыбаева,

Рабиға Сәрсенбаева,

ҚМУ «Мәлимлеме хызмети ҳәм жәмийетшилик пенен байланыслар» тәлим бағдары 1-курс студентлери.

 89 

Skip to content