БӘРШЕНИ ВЕЛОСИПЕДТЕ ЖҮРИЎГЕ ШАҚЫРАМАН

Күнделикли турмыста ҳәр ким азанда жумыс орнына ямаса басқа да барар мәнзилине кимдур жәмийетлик транспортта, және биреўи жайаў яки велосипедте ҳәрекетленеди. Бунда көбирек жайаў жүриў, велосипед басқарыў инсан саламатлығы ушын оғада пайдалы есапланады.

Соңғы ўақытлары велосипед басқарыў мәдениятын раўажландырыўда нураный ҳәм жаслар арасында вилоспорт жарыслары өткерилмекте. Сондай-ақ, мәкеме, шөлкем әтирапында велосипед қоятуғын арнаўлы майданшаларда шөлкемлестирилмекте.

Усындай арнаўлы орынлар Өзбекистан мәмлекетлик көркем өнер ҳәм мәденият инситуты Нөкис филиалында да шөлкемлестирилип, бүгинги күнде филиал хызметкерлери велобәндиргиден нәтийжели пайдаланып келмекте.

– Ҳәр күни жумыс орныма велосипедте келемен, – дейди филиал бағманы Қ.Қунназаров. – Бул майданшаның абзаллығы велосипедлер қәўипсиз ҳәм жыйнақлы турады. Ден саўлығымызды беккемлеп барыўда бәршени велосипедте жүриўге шақыраман.

Бийбисара Жартыбаева,

ҚМУ «Мәлимлеме хызмети ҳәм жәмийетшилик пенен

байланыслар» тәлим бағдары 1-курс студенти. 

 73 

Skip to content