ЕКИ МӘКАН ПУҚАРАЛАР ЖЫЙЫНЫ ЖАСЛАРЫ МЕНЕН УШЫРАСТЫ

Бүгинги күнде елимизде жаслардың ҳуқықый санасын жетилистириў, демократиялық мәмлекет қурыў ҳәм пуқаралық жәмийетин раўажландырыў сыяқлы әҳмийетли сиясий процеслерде олардың белсендилигин арттырыўға айрықша итибар қаратылмақта.  Мине, усы мақсетте, бүгин, 28-май күни Нөкис районы “Ақмаңғыт” ППЖ ҳәм “Төктаў” МПЖда жәмлеспеген жаслар менен ислесиў, оларды ҳәр тәреплеме қоллап-қуўатлаў мақсетинде ушырасыў болып өтти.

Оған кең жәмийетшилик ўәкиллери менен бирге, Өзбекстан мәмлекетлик көркем өнер ҳәм мәденият институты Нөкис филиалы Жаслар менен ислесиў, руўхыйлық ҳәм ағартыўшылық бөлими баслығы О.Қдырниязова, филиалдың «Социал-гуманитар пәнлер» кафедрасы баслығы Л.Уразова ҳәм мәкан пуқаралар жыйыны белсендилери ҳәм жаслар қатнасты.    

Ушырасыўда жоқары оқыў орны ҳәм мәкан пуқаралар жыйынларының биргеликте әмелге асырыў зәрүр болған илажлар, сондай-ақ, жәмлеспеген жаслардың бәнтлигин  тәмийинлеў, оларды исбилерментликке бағдарлаў мәселелерине итибар қаратылды. Илаж даўамында «Музыкалы театр актёрлығы» тәлим бағдарының 3-курс студенти Р.Джуманиязовтың қарақалпақ халқының миллий саз әсбабы дуўтар менен жанлы ҳаўазда атқарған қосықлары ушырасыўға өзгеше заўық бағышлады.

Сондай-ақ, мәжилис қатнасыўшылары райондағы “Төктаў” МПЖда қоян бағыўшылық ҳәмде “Ақмаңғыт” ППЖ да есик ҳәм қапы ислеп шығаратуғын шаңарақта болып, аймақтағы жумыссыз отырған ҳаял-қызларды жумыс пенен бәнт етип атырған исбилерменлер менен жақыннан танысты.

ӨзМКӨМИ Нөкис филиалы баспасөз хызмети.

 99 

Skip to content