ӨзМКӨМИ Ректоры Иброҳим Юлдашев филиалда

Бүгин, 2-июнь күни Өзбекстан мәмлекетлик көркем өнер ҳәм мәденият институты ректоры Иброҳим Юлдашев Өзбекстан мәмлекетлик көркем өнер ҳәм мәденият институты Нөкис филиалында болды. Дәслеп мийманды филиал директоры А.Аяпов ҳәм жәмәәт ағзалары жоқары дәрежеде күтип алды.

Мийманлар көргизбеге усынылған филиал студентлериниң илим-билим, көркем өнер ҳәм спорт тараўы бойынша түрли таңлаў ҳәм жарысларда ерискен жетискенликлерин тамашалады. Ректор И.Юлдашев филиалда нәтийжели алып барылып атырған жумысларға ҳәм көплеген бағдарларда жақсы нәтийжелерге ерисип атырғанын жоқары баҳалады.

Буннан соң, мийманлар профессор-оқытыўшылар менен ушырасты.

Илажды филиал директоры А.Аяпов басқарып барды, Онда ректор  И.Юлдашев шығып сөйлеп, филиалдың илимий потенциалын көтериўде илимий дөретиўшилик жумысларды еле де жетилистириў, студентлердиң теориялық билимлерин беккемлеўде жаңа оқыў қолланба ҳәм сабақлықлар жаратыў, жас излениўшилерди қоллап-қуўатлап барыў кереклигин атап өтти.

Соңынан студент-жаслар менен сәўбетлесип, елимизде оқыйман, изленемен, өз қәбилетимди жүзеге шығараман деген жаслар ушын барлық имканиятлар жаратылғанын, сондай-ақ, студент-жасларды илимге бағдарлаўда олар арасында түрли таңлаўлар шөлкемлестириў, устаз шәкирт бағдарында оқытыўшылар менен биргеликте илимий мақалалар шығарыў, республика ҳәм халықаралық көлемде өткерилетуғын жарысларда қатнасып, өз үстинде көбирик излениўлер алып барыў кереклиги бойынша пикир-усынысларын билдирди.

Илаж сонында студент-жаслар өзлерин қызықтырған сораўларына жуўаплар алды.

Өзбекстан мәмлекетлик көркем өнер ҳәм мәденият институты ректоры Иброҳим Юлдашевтың Филиалға болған сапары даўам етпекте.

ӨзМКӨМИ Нөкис филиалы баспасөз хызмети.

 84 

Skip to content