Uzdsmi-NF.uz Logo

Nashr qilingan sana Shanba, 27 Iyun, 2020

Qazaqstanda tájiriybe almasip qaytti

Sońǵı jılları bilimlendiriw tarawın jetilistiriwde rawajlanǵan mámleketler tájiriybesi turmısımızǵa engizilmekte. Ásirese, sırt el joqarı okıw orınları menen óz ara baylanıslardı jolǵa qoyıwǵa qaratılǵan ilajlar bilimlendiriwde tájiriybe almasıwda qol kelmekte.

Usı jıl 12-20-fevral' kúnler aralıǵında Ózbekstan mámleketlik kórkem óner hám mádeniyat institutı Nókis filialı direktorı P. Paluaniyazov, "Rejissura hám aktyorlıq sheberligi" kafedrası docenti M.Ismaylova hám bir qatar student-jaslar Muxtar Aўezov atındaǵı Túslik- Qazaqstan mámleketlik universitetinde tájiriybe almasıp kayttı.

Akademiyalıq tájiriybe almasıwda filial docenti M.Ismaylova universitettiń "Kórkem óner" kafedrası tálim baǵdarı student-jaslarına "Saxna sózi" hám "Aktyorlıq sheberligi" pánlerinen sheberlik sabaǵın ótti.

Sonday-aq, ilajda filial professor-oqıtıwshılarınıń Muxtar Aўezov atındaǵı Túslik Qazaqstan mámleketlik universitetinde bilimin jetilistiriwde tájiriybe almasıw máseleleri da kelisip alındı.

2019-jıl 14-maydaǵı eki tárepleme kelisilgen memorandumǵa tiykar bul tájiriybe almasıw ilim-bilimlendiriw hám kórkem óner tarawın rawajlandırıwda jańa innovaciyalıq texnologiyalardı engiziw hám óz ara baylanıslardı bekkemlewge qaratılǵanlıǵı menen áhmiyetli bolıp tabıladı.

Memorandumǵa bola 2020-2021-oqıw jılınıń birinshi yarım jıllıǵında Qazaqstan mámleketlik universiteti "Kórkem óner" kafedrası talim baǵdarında bilim alıp atırǵan student-jaslar Ózbekstan mámleketlik kórkem óner hám mádeniyat institutı Nókis filialına tájiriybe almasıw maqsetinde oqıwǵa keliwi hám filialdıń "Kórkem ónertanıw" fakul'teti "Dramatik teatr rejissyorlıǵı" hám "Muzıka teatr aktyorlıǵı" tálim baǵdarınıń student-jasları Qazaqstanǵa tájiriybe almasıwda oqıwǵa jiberiliwi rejelestirilmekte.

Bunnan basqa, M.X.Dulati atındaǵı Taraz mamleketlik universiteti menen de eki tárepleme kelisilgen memorandumǵa muwapıq ilim-bilimlendiriw hám kórkem óner tarawın rawajlandırıw boyınsha kelisimge erisildi. Maǵlıwmat ushın aytıp ótiwimiz tiyis, ótken jıl dekabr' ayında Muxtar Aўezov atındaǵı Qazaqstan mámleketlik universiteti "Kórkem óner" kafedrasınıń professor oqıtıwshıları filialda bolǵan edi.

  • National flag of Uzbekistan
  • National symbolics of Uzbekistan
  • National anthem of Uzbekistan