Uzdsmi-NF.uz Logo

Nashr qilingan sana Shanba, 27 Iyun, 2020

Qayir-saqawatliliq – xalqimizdiń aǵla paziyleti

Ózbekstan Respublikası Prezidenti Shavkat Mirziyoev usı jıldıń 20-aprel kúni xalıqtı sociallıq qorǵaw hám qurılıs jáne infrastruktura tarmaqlarınıń jumısı máselelerine baǵıshlap ótkerilgen videoselektor májilisinde búgingi sınawlı kúnlerdi bastan keshirip atırǵan xalqımızdıń járdemge mútáj qatlamların qollap-quwatlaw maqsetinde "Saqawat hám járdem" ulıwma xalıqlıq háreketin jolǵa qoyıw baslamasın alǵa qoyǵan edi. Prezidentimizdiń bul iygilikli baslaması xalqımız hám keń jámiyetshilik tárepinen qızǵın qollap-quwatlanbaqta. Haqıyqatında da Ramazan ayında járdemge mútáj shańaraqlardıń hal-jaǵdayınan xabar alıw, olarǵa qayır-saqawat kórsetiw – xalqımızdıń aǵla pazıyletlerinen sanaladı. Bunday iygilikli islerdi búgingidey sınawlı kúnlerde ámelge asırıw hár birimiz ushın hám parız, hám qarız esaplanadı.

Mámleketimiz basshısı videoselektor májilisinde "Jaqsılıqtıń sawǵası – tek jaqsılıq bolıp esaplanadı", dep atap ótti. Álbette, kem támiyinlengen hám járdemge mútáj insanlarǵa jaqsılıq etiw, qayır-saqawatlı hám sawaplı islerdi islew – milliy qádiriyatlarımızdıń tiykarǵı belgisi sanaladı.

  • National flag of Uzbekistan
  • National symbolics of Uzbekistan
  • National anthem of Uzbekistan