Uzdsmi-NF.uz Logo

Дата публикации суббота, 27 июня, 2020

Náshebentliktiń unamsiz aqibetleri túsindirildi

Usı jıl 7-fevral' kúni Ózbekstan mámleketlik kórkem óner hám mádeniyat institutı Nókis filialında "Náshebentlik hám jınayatshılıqtıń aldın alıw" atamasında ushırasıw bolıp ótti.

Oǵan filial professor-oqıtıwshıları, student jaslar hám huqıq qorǵaw uyımlarınıń wákilleri qatnastı.

Ilajdı filialdıń Jaslar menen islesiw, ruwxıy hám aǵartıwshılıq bólimi metodisti O.Qdırniyazova basqarıp bardı. Onda Qaraqalpaqstan Respublikası Ishki isler ministrligi Patrul'-post xızmeti hám jámiyetlik tártipti saqlaw basqarmasınıń bólim baslıǵı, podpolkovnik E. Qayıpnazarov hám Kórkem óner tanıw fakul'teti dekanı G. Xodjametovalar sózge shıǵıp, jınayatshılıqtıń unamsız aqıbetleri hám náshebentliktiń insan salamatlıǵına keri tásir kórsetiwshi illet ekenligine ayrıqsha toqtap ótti.

Ózbekstan mámleketlik kórkem óner hám mádeniyat institutı Nókis filialında 'Náshebentlik hám jınayatshılıqtıń aldın alıw' atamasında ushırasıw bolıp ótti

Ushırasıwda atap ótilgenindey, insan organizmi náshebentlik zatlardı qabıl etkennen keyin oǵan úyrenip qalıwı tábiyǵıy jaǵday. Ol AIJS, gepatit, tuberkulyoz sıyaqlı keselliklerdi keltirip shıǵaradı. Statistikalıq maǵlıwmatlarǵa qaraǵanda náshebentlik zatlardı qabıllaǵan hár bir adam bir jıl dawamında ortasha jeti, segiz adamdı óziniń qatarına qosadı eken. Sonlıqtan jaslardı jámiyetimizge jat bolǵan qáwiplerden qorǵaw, ana Oatanǵa húrmet hám milliy qádiriyatlar ruwxında tárbiyalaw baslı wazıypalardan sanaladı. Bul baǵdarda jaslardıń bos waqıtların mazmunlı ótkeriwge qaratılǵan úgit-násiyat ilajların turaqlı túrde alıp barıwmız tiyis.

Ilaj sońında jaslardı sergeklikke shaqırıwshı "Ajal oǵusi" atlı hújjetli fil'm qoyıp berildi.

  • National flag of Uzbekistan
  • National symbolics of Uzbekistan
  • National anthem of Uzbekistan