Uzdsmi-NF.uz Logo

Дата публикации суббота, 27 июня, 2020

Filial jámááti uris veteranlariniń halinan xabar aldi

Bugingi tınısh hám mazmunlı kunlerimizdiń sebepshileri bolǵan Ekinshi jer júzilik urıs qatnasıwshıları hámiyshe xalqımız názerinde. Olarǵa izzet-ikram kórsetiw, halınan xabar alıw eski urip-ádetlerimizden biri bolıp esaplanadı.

Fashizimge qarsı mártlershe urısqa bel baylaǵan, awır jaǵdaylardı basınan keshirgen qaharmanlar, xalqımız erkinligi hám azatlıǵı ushın janın pidá qılǵan insanlardıń ruwxları hámiyshe hurmette.

Ekinshi jer júzilik urısında Fashizim ustinen erisilgen jeńistiń 75 jıllıǵı munásibeti menen Ózbekstan mamleketlik kórkem óner hám mádeniyat institutı Nókis filialı jámááti student jasları menen birgelikte urıs veteranı, Xojeli rayonı Janqońırat MPJ da jasawshı 92 jaslı Isakov Nurılla atanıń uyine barıp xalqımız tınıshlıǵı ushın etken xızmetleri ushın óz minnetdarshılıǵın bildirdi hám bahalı sawǵalar menen sıylıqladı.

Sonıń menen bir qatarda vokal atkarıwshılıǵı qanigeligi 2-kurs studenti Karimov Javlonbek janlı hawazda gitara saz ásbabı menen kewilli qosıqlardı aytıp berdi. Nurılla ata menen urıs waqıtların biraz eske aldı hám bugingi elimizdiń tınıshlıǵı ushın shukiranalar ayttı.

  • National flag of Uzbekistan
  • National symbolics of Uzbekistan
  • National anthem of Uzbekistan