Uzdsmi-NF.uz Logo

Дата публикации четверг, 16 июля, 2020

Korrupciyaniń aldin aliwǵa baǵishlandi

Usı jıl 6-iyul' kúni Ózbekstan mámleketlik kórkem óner hám mádeniyat institutı Nókis filialında korrupciyaǵa baylanıslı jaǵdaylardıń aldın alıwǵa baǵıshlanǵan ilaj bolıp ótti.

Oǵan filial professor-oqıtıwshıları hám bólim xızmetkerleri qatnastı. ZOOM baǵdarlaması arqalı ótkerilgen ilajda filial direktorı P.Palўaniyazov mámleketimizde korrupciyaǵa qarsı gúresiw baǵdarında júrgizilip atırǵan jumıslar hám korrupciyanıń unamsız aqıbetlerine toqtap ótti. Bunnan soń, "Rejissura hám aktyorlıq sheberligi" kafedrası baslıǵı L.Urazmbetova, "Texnogen hám dramaturgiya kórkem óneri" kafedrası baslıǵı K. Zaretdinov, docent M. Ismaylova hám basqalar shıǵıp sóylep, jámiyetimizge jat bolǵan bul unamsız illetten awlaq bolıw boyınsha ózleriniń pikir-usınısların bildirdi.

Korrupciya hár qanday jámiyettiń sociallıq-ekonomikalıq, mánawiy turmısına qáwip salatuǵın, ásirese, bilimlendiriw sapasınıń tómenlewine, usı tarawdıӊ rawajlanıwına tosqınlıq etetuǵın illet esaplanadı. Bul illetke qarsı gúresiw bárqulla áhmiyetli máselelerden bolıp kelgen.

Ilaj barısında karantin talaplarına ámel etken halda jańa 2020-2021-oqıw jılına tayarlıqlar kóriw, onlayn oqıw platformasına oqıw rejede belgilengen pánler boyınsha sapalı resurslardı jaratıw, audio hám vidiemateriallardı jaylastırıw kerekligi boyınsha da pikir-usınıslar bildirildi.

  • National flag of Uzbekistan
  • National symbolics of Uzbekistan
  • National anthem of Uzbekistan