Uzdsmi-NF.uz Logo

Дата публикации суббота, 27 июня, 2020

Aral táǵdiri – jaslar táǵdiri

Hámmege málim, usı jıldıń 11-yanvar' kúni Aral teńizi ultanında Xalıqaralıq press-klubtıń náwbettegi "Aral táǵdiri: Teńiz sheginip atır, lekin insan sheginbeydi" atamasındaǵı kóshpeli sessiyası bolıp ótken edi. Bul sessiyada respublikamızdıń barlıq jaslar jetekshileri qatarında qatnasqanıma oǵada quwanıshlıman. Press-klubta Aralboyı aymaǵında ekologiyalıq jaǵdaydı saplastırıw, sonıń menen birge, Aral teńiziniń qurıǵan ultanın jasıl toǵayzarlıqqa aylandırıw baǵdarında júrgizilip atırǵan keń kólemli jumıslarǵa ayrıqsha toqtap ótildi. Ásirese, Moynaqta jańadan qurıp paydalanıwǵa tapsırılǵan sociallıq ob'ektler, kóp qabatlı turaq jaylar, jaslardıń bos waqıtların mazmunlı ótkeriwge qaratılǵan mádeniy dem alıw orayları, quwanarlısı, Moynaq konserva zavodınıń iske qosılǵanı úlken maqtanısh penen tilge alındı. Álbette, bul ilajlar tek moynaqlılardıń ǵana emes, al, pútkil respublikamız xalqınıń maqtanıshına aylandı.

Ózbekstan Jaslar awqamı Qaraqalpaqstan Respublikası Keńesi aǵzalarınan ibarat bir topar jaslar menen birgelikte 'Mehir Araldı qutqaradı' joybarı shólkemlestirildi

Sonday-aq, Ózbekstan Jaslar awqamı Qaraqalpaqstan Respublikası Keńesi aǵzalarınan ibarat bir topar jaslar menen birgelikte "Mehir Araldı qutqaradı" joybarı da shólkemlestirildi. Joybar sheńberinde bolsa, Aral teńiziniń kurıǵan ultanında hawa rayınıń suwık bolıwına qaramastan shın kewli menen ayanbay miynet etip atrǵan watanlaslarımızdıń jaǵdayınan xabar alıp, harmasın aytıp, seksewil hám shólge shıdamlı basqa da ósimliklerdiń tuqımların jıynaw hám olardı egiw processlerine de belsene qatnastıq. Ol jerde jaslar tırna qatar dizilip, qarıq jarıp atırǵan traktor hám seksewil tuqımların sewip atırǵan samolyotlardıń basqarıwshıları menen qosıla egiw jumıslarına belsene qatnastı. Teńiz ultanında yoshlı qosıqlar atqarıldı. Teńiz ultanın toǵayzarlıqqa aylandırıwda qızǵın miynet etip atırǵan pidayı insanlardıń qatarında jaslar da óz úleslerin qosıwdı aldılarına niyet etip qoyadı. Óytkeni, Aral táǵdiri – biz jaslardıń da táǵdiri.

Ózbekstan Jaslar awqamı Qaraqalpaqstan Respublikası Keńesi aǵzalarınan ibarat bir topar jaslar menen birgelikte 'Mehir Araldı qutqaradı' joybarı shólkemlestirildi
  • National flag of Uzbekistan
  • National symbolics of Uzbekistan
  • National anthem of Uzbekistan