Uzdsmi-NF.uz Logo

Дата публикации суббота, 27 июня, 2020

Kitap ruwxiyatimizdiń sarqilmas bulaǵi

Insan dun'yaǵa kelgennen keyin baxıtlı turmıs keshiriwdi qáleydi. Sol baxıtqa erisiw jolların izleydi, ol joldı birewler tabadı, birewler tappaydı. Ullı oyshıl babalarımızdıń biri Axmed YUgnakiy: "Bilim menen baxıt jolı ashıla", ­dep óziniń bahalı pikirin aytıp ketken. Baxıtqa jetelewshi bilimdi alıwda kitaptıń ornı ayrıqsha. Kitap insanǵa ótmish tuwralı maǵlıwmat berip ǵana qoymastan, adamnıń turmısta óz ornın tabıwına úlken járdemin tiygizedi.

Bizge tuwrı jol kórsetiwshi kitaptı qay wakıttan baslap oqıwımız kerek? Qansheli kitaptı súyip oqısaq, kóp nátiyjelerge erisiwge jeteleydi. "Jaslıqta alǵan bilim tasqa oyılǵan naǵıs sıyaqlı" dep biykarǵa aytılmaǵan. Jas waqıtta adamnıń miyi maǵlıwmatlardı qabıl etiw hám yadta saqlawǵa júdá qábiletli boladı .

Adamzattıń oylap tabıwshılıǵınıń biri qaǵazdıń payda bolıwı menen kitap bolıp shıǵarıw isi de jaratıldı hám rawajlanıp ketti. Kitap waqıt ótip ǵáziynege aylandı. Kitaplarda mıńlaǵan jıllar dawamında dóretken aqılıy hám ideyalıq baylıqlar toplanǵan.

Búgingi málimleme texnologiyalar rawajlanǵan dáwirinde adamǵa bilim beriwshi derekler kóp. Soǵan qaramastan kitaptıń ornı ayrıqsha. Oqıwshı ádebiy-publicistikalıq kitaplardı oqıw menen birge, óziniń kásibine baylanıslı kitaplardı da úyreniw kerek. Adam jeke qızıǵıwshılıǵına qaray mısalı, xojalıq jumısların júrgiziw, keste toqıw, awqat pisiriw sheberligi hám basqa da kitaplardı oqıwı kerek. Bunıń nátiyjesinde adamda kónlikpeler qáliplesip, aqılıy hám fizikalıq rawajlanıwı artadı. Kitap oqıwdıń mánisi usı eken dep kózine kóringen kitaptı, qaǵazdı oqıy beriw aqılǵa tuwrı kelmeydi. Sonlıqtan kitap oqıwǵa, paydalanıwǵa qızıǵıwshılıq jas waqıttan baslap, ata-analar, mektep muǵallimleri, hátteki baqsha tárbiyashıları tárepinen jolǵa qoyılıwı kerek. Bul wazıypalardı atqarıwda kitapxanalardıń xızmeti ayrıqsha. Jas áwladtı milliy qádiriyatlar ruwxında tárbiyalawda kitaptıń ullı kúsh ekenligin belgilep, húkimet tárepinen huqıqıy hújjetler qabıl etildi. Atap aytqanda, Prezidentimiz tárepinen "Kitap ónimlerin basıp shıǵarıw hám tarqatıw" sistemasın rawajlandırıw, kitap oqıw hám kitapqumarlıq mádeniyatın jetilistiriw hám úgit-násiyatlaw boyınsha komissiya dúziw haqqındaǵı beyligi qabıl etildi. Biylikte jaslardıń intellektual sanasın arttırıwǵa qaratılǵan ádebiy, mádeniy, ilimiy ádebiyatlardı basıp shıǵarıw, sonday-aq, oqıw orınların kitaplar menen támiyenlew, milliy hám jáhán ádebiyatı dúrdanaları menen tanıstırıw boyınsha ámelge asırılıwı kerek ilajlar kórsetilgen. Usı biyliktiń orınlanıwı boyınsha Ózbekstan mámleketlik kórkem óner hám mádeniyat institutı Nókis filialı Málimleme resurs orayı tárepinen nátiyjeli jumıslar alıp barmaqta. Házirgi waqıtta kitapxana fondı jańa ádebiy kitaplar menen birge, ilimiy, ilimiy-metodikalıq qollanbalar menen bayıtılmaqta.

Student jaslarımızdıń kitap bolǵan ıqlası joqarı, kitapxanadan kerekli ádebiyatlardı paydalanıp, olardan nátiyjeli paydalanbaqta. Álbette, jaslarımız usınday imkaniyatlardan tolıq paydalansa, keleshekte jetik kadr bolıp jetilisiwine járdem bereri anıq.

  • National flag of Uzbekistan
  • National symbolics of Uzbekistan
  • National anthem of Uzbekistan