«Social- gumanitar pánler» kafedrası

Ózbekstan mámleketlik kórkem óner institutı Nókis filialı  2008 jılda  ashılǵanda (2012 jıldan baslap Ózbekstan mámleketlik kórkem óner hám mádeniyat institutı Nókis filialı dep atala basladı)    bir kafedra “Social-gumanitar, aktyorlıq kórkem óneri hám kórkem- ónertanıw ” bolıp, 2014- 2015 oqıw jılında  kafedra ekige bólindi-  «Rejissyorlıq hám aktyorlıq sheberligi» hám «Social-gumanitar hám kórkem- ónertanıw».          

Kafedra dúzilgen waqıtta, onda eki qánigelik – “Mádeniyat hám kórkem óner mákemelerin shólkemlestiriw hám basqarıw”, “Texnogen kórkem-óneri: kino, televidenie hám radio ses rejissyorlıǵı” bar bolıp, 2018 jılı “Kitapxana-xabar iskerligi: kitapxanashılıq hám bibliografiya” hám “Kórkem-ónertanıw: sahna hám ekran kórkem-óneri  dramaturgiyası” qánigelikleri qosıldı. 2019-jıl 1-may sánesinen baslap kafedra «Social-gumanitar pánler» kafedrası dep  atala basladı.  Kafedranı 2013-2015 jılları tariyx ilimleriniń kandidatı Svetlana Esbergenova, 2015-2016 jılları Dilfuza Bekimbetovalar baskarıp keldi. Búgingi kúnde kafedra baslıǵı- tariyx ilimleriniń kandidatı Larisa Urazova. Búgingi kúnde kafedrada 3 ilim doktorı, 3 ilim kandidatı, 2 professor, 2 docent, 3 aǵa- oqıtıwshı, 10 assistent-oqıtıwshı pedagogikalıq xızmet kórsetip kelmekte.

Kafedra oqıtıwshıları dissertaciya jumısları temaların bekitip, óz ilimiy jumısları ústinde jumıs alıp barmaqta.

Kafedranıń professor- oqıtıwshıları “Kreativ Spark: Oliy Ta’lim dasturi” xalıq ara proektiniń aǵzaları.

 “Social-gumanitar pánler» kafedrası  oqıtıwshıları L.Urazova hám A.Prekeevalar  5 sentyabr 2022 jılı Ózbekstan mámleketlik kórkem óner hám mádeniyat institutında professor- oqıtıwshıları hám 1 kurs studentleriniń qatnasıwında  «Jańa Ózbekstanda el aziz, insan aziz!» uranı astında  “Ǵárezsizlik sabaǵı”n   ótti.  «Ǵárezsizlik saatları» ótiliwi barısında Ózbekstanıń 31-jıl dawamında erisilgen reformalardıń nátiyjelerin keńnen túsindirip ótti, Ózbekstan Respublikası Prezidentiniń “Ózbekstan Respublikası Mámleketlik ǵárezsizliginiń otız bir jıllıq bayramına tayarlıq kóriw hám onı ótkeriw haqqında”ǵı qararında alǵa súrilgen ideyaları tiykarında, “Ózbekstan Respublikası Mámleketlik ǵárezsizlikke erisilgennen keyingi jıllar dawamında ámelge asırılǵan reformalar jámiyet turmısındaǵı jańalıqlar, “Jańa Ózbekstan rawajlanıw strategiyası” tiykarında, “Jańa Ózbekstan- Úninshi Renessans” ideyasınıń mazmun- mánisi haqqında atap ótti.

Ózbekstan Respublikası Prezidentiniń 2020 jıl 6 noyabrdegi “Ózbekstannıń jańa rawajlanıw dáwirinde tálim-tárbiya hám ilim-pán tarawların rawajlandırıw ilajları haqqında” ǵı PF- 6108 sanlı Pármanında belgilengen wazıypalardıń orınlawın támiyinlew boyınsha   Qaraqalpaqstan  Respublikası Beruniy  rayonı Xalıq bilimlendiriw bólimine qaraslı 24–sanlı ulıwma orta bilim beriw mektebinde Ózbekstan mámleketlik kórkem óner hám mádeniyat  institutı Nókis filialı «Social gumanitar pánler» kafedrası oqıtıwshıları    mektep pitkeriwshilerin joqarı oqıw orınlarına oqıwǵa kiriwge bolǵan qızıǵıwshılıǵın kúsheytiw hámde kásip tańlawdaǵı pikirlerin qaliplestiriw maqsetinde mekteptiń 10 klass oqıwshıları menen ushırastı.

Kafedra  baslıǵı  L.Urazova «Áyyemgi Shıǵıs mádeniyatı: Áyyemgi Qıtay mádeniyatı» atamasındaǵı óziniń metodikalıq qollanbasın mektep kitapxanasına sawǵa etti.

«1-oktyabr – Muǵallimler hám ustazlar kúni» Sáne múnásibeti menen paytaxtımızdaǵı payızlı orınlardıń birinde Ózbekstan mámleketlik kórkem óner hám mádeniyat institutı Nókis filialı jámááti ushın bayram dasturxanı jayıldı. Bul ilajda kafedranıń professor- oqıtıwshılarıda qatnastı.

«Social- gumanitar pánler» kafedrası professor- oqıtıwshıları bólim xızmetkerleriniń Korrupciyaga jol qoymaw hám oǵan qarsı gúresiw máseleleri boyınsha májilis bolıp ótti.  Májiliste mámleketimizde Korrupciyaǵa qarsı gúresiw boyınsha qabıl etilgen PK- 81 sanlı 12 yanvar 2022 jılǵı, 3368 sanlı 13 may 2022 jılǵı qararları menen tanıstırıldı. Filialda bilim beriw processinde korrupciyalıq jaǵdaylardı boldırmawǵa hám oǵan qarsı gúresiwge shaqırdı

 2,031