Ózbekstan Respublikası Prezidentiniń “Mámleketlik joqarı bilimlendiriw shólkemlerine oqıwǵa qabıl etiwdiń mámleketlik buyırtpası parametrlerin tastıyıqlaw haqqında”ǵı 2025-jıl 18-iyuldegi F-43-sanlı biyligi menen ózbek tili hám ádebiyatı, tariyx, mádeniyat, kórkem óner hám ónermenshilik baǵdarlarında oqıw tilegin bildirgen, sırt elde jasap atırǵan jas watanlaslar ushın 30 mámleketlik grant ajıratılǵan.

“Watanlaslar ushın” mámleketlik grantlarına ótkeriletuǵın tańlawlarda qatnasıw ushın arzalar 2025-jıl 10-oktyabr kúnine shekem qabıl etiledi.

Talabanlardıń hújjetleri fart_info@uzdsmi—nf.uz elektron pochtası arqalı “RAR” formatında qabıl etiledi.

“Watanlaslar ushın” mámleketlik grantlarına ótkeriletuǵın tańlawlarda qatnasıw ushın talabanlarǵa qoyılatuǵın talaplar:

1. shaxstı tastıyıqlawshı hújjetler tiykarında talabannıń ózi yamasa ata-anası yamasa jaqın tuwısqanı bolıwı;
2. etnikalıq, til hám mádeniy-tariyxıy kózqarastan ózin ózbek yamasa qaraqalpaq sıpatında identifikaciya etken sırt el puqarası yamasa puqaralıǵı bolmaǵan shaxs bolıwı;
3. Ózbekstan aymaǵında tuwılǵan, jasaǵan, biraq, házirgi waqıtta sırt elde turaqlı jasap atırǵan sırt el puqarası yamasa puqaralıǵı bolmaǵan shaxs bolıwı;

b) sırt el puqarası sıpatında Ózbekstan Respublikası bilimlendiriw shólkemlerine qabıllaw boyınsha mámleketlik komissiya tárepinen tastıyıqlanǵan dizimdegi bakalavriat tálim baǵdarlarınan birine abiturient sıpatında dizimnen ótip, sáwbetlesiw nátiyjelerine bola studentlikke usınıs etilgen bolıwı;

v) 30 jasqa tolmaǵan bolıwı;

g) ózbek tili yaki qaraqalpaq tilin biliwi kerek.

Arnawlı tańlawlar talabanlar tárepinen tańlanǵan bakalavriat tálim baǵdarına kiriw pánlerinen ótkeriledi. Bunda pánler kompleksi boyınsha:

a) kiriw imtixanları quramında kásiplik (dóretiwshilik) imtixan bar bakalavriat tálim baǵdarları ushın tańlanǵan joqarı bilimlendiriw shólkemi tárepinen kásiplik (dóretiwshilik) imtixan ótkeriledi;

b) nátiyjeleri joqarı bilimlendiriw shólkemleri tárepinen usınılǵan talabanlar ushın Bilim hám mamanlıqlardı bahalaw agentligi tárepinen test sınaqları ótkeriledi;

c) kiriw imtixanları test túrindegi bakalavriat tálim baǵdarları ushın Bilim hám mamanlıqlardı bahalaw agentligi tárepinen test sınaqları ótkeriledi.

Arnawlı tańlawlardıń nátiyjelerine bola ballar izbe-izligi boyınsha eń joqarı nátiyje kórsetken talabanlar tańlaw baǵdarları kesimindegi orınlarǵa muwapıq mámleketlik grant jeńimpazı esaplanadı.