Ózbekstan mámleketlik kórkem óner hám mádeniyat institutı Nókis filial profilaktika inspektorı N.Erimbetov, Jaslar awqamı jetekshisi J.Berdimuratov hám tyutor T.Kaljanovalar birgelikte ijara úylerinde jasawshı student-jaslar halınan xabar aldı. Onda elektor energiyasınan hám iyis gazinen durıs paydalanıw, olardı ashıq halında qaldırıp ketpew basqa da órt qáwipsizliginiń aldın alıw maqsetinde úgit-násiyat jumısların alıp bardı.
Ózbekstan Respublikası innovаciyon rawajlanıw ministrliginiń 2022-jıl 9-dekabr degi «Jaslar texnoparklerinde «InnoX» biznes inkubator programmasın shólkemlestiriw tuwrısında»ǵı 442-sanlı buyrıǵınıń 3-bántine tiykarlanıp innovaciyon ideya hám startap joybarǵa iye ǵayratkerlerdiń turaqlı biznes modelin qáliplestiriw, finanslıq sawatqanlıǵın asırıw boyınsha tapsırma berilgen edi.
Sol tapsırmanı támiyinlew maqsetinde, búgin 2024-jıl 10-yanvar kúni Ózbekstan mámleketlik kórkem óner hám mádeniyat institutı Nókis filialında «Ideyadan startapqa shekem» atamasında ushırasıw shólkemlestirildi. Oǵan Nókis Jaslar Texnoparki direktorı orınbasarı U.Bazarbaev hám Nókis Jaslar Texnoparki qánigesi I.Qazaqbaevalar miymanda boldı. Onda filial studen-jaslarına InnoX biznes-inkubator dástúriniń úshinshi máwsimi boyınsha kóplegen maǵlıwmatlardı aytıp, slayd arqalı túsindirip berdi.
