 | SULTAMURATOV BEGIS UTEBAEVICH Xalıqaralıq birge islesiw bólimi baslıǵı E-pochta: nukusbranch.uzsiac@gmail.com |
Ózbekstan mámleketlik kórkem óner hám mádeniyat institutı Nókis filialınıń Xalıqaralıq birge islesiw bólimi 2020-jılda shólkemlestirilgen bolıp, bólim Filialdıń shet el joqarǵı oqıw orınları, ilimiy izertlew orayları hám institutları menen birge islesiwdi jolǵa qoyıw, joqarı bilimlendiriw, ilimiy izertlew, mádeniyat hám kórkem óner tarawlarındaǵı eń sońǵı oqıw hám ilimiy tájiriybelerdi úyreniw hám olardı ámeliyatta nátiyjeli qollanıw, student hám professor-oqıtıwshılardı dúnyanıń abıraylı joqarǵı bilimlendiriw mákemelerinde tájiriybe arttırıp qaytıwı, akademiyalıq almasıw hám bilimlendiriw joybarların islew sıyaqlı islerdi ámelge asıradı.
Xalıqaralıq birge islesiw bóliminiń maqseti hám wazıypaları:
-Uqsas shet el joqarı oqıw orınları, orayları hám mákemeleri menen hár tárepleme baylanıslardı ornatıw, birge islesiw Memorandumı hám Shártnamalardı dúziw hám olardıń orınlanıwın baqlaw;
-Jáhán tájiriybelerinen paydalanıw maqsetinde oqıw procesine shet mámleketlerdiń professor-oqıtıwshıları, jetekshi qánigelerin hám de Ózbekstanda akreditaciyadan ótken diplomatiyalıq korpus wákillerin tartıw;
-Ziyrek hám talantlı studentlerdi shet el joqarı oqıw orınlarına bilim alıw ushın jiberiw hám shet ellerdiń puqaraların institutda oqıwǵa óz-ara eki tárepleme shártnamalar hám basqa kelisimler tiykarında tartıw;
-Xalıqaralıq birge islesiwshi JOO, ilimiy-izertlew institutları hám mákemeleri menen birgelikte ilimi ánjumanlar, dóńgelek stol sáwbetleri hám seminarlar ótkeriw;
-Filial kafedraları menen birgelikte shet el JOOları hám shólkemlerdiń wákilleri qatnasıwında xalıqaralıq ilajlardı rejelestiriw hám ótkeriw;
-Joqarı bilimlendiriw tarawında shet el JOOları, shólkemler, oraylar, ilimiy-izertlew mákemeleri menen xalıqaralıq birge islesiwdi ámelge asırıw, tiyisli joqarı turıwshı shólkemler ruqsatı menen xalıqaralıq shártnamalar hám memorandumlar tiykarında shet elli birge islesiwshi shólkemler menen tikkeley baylanıs ornatıw;
-Filialdıń jas alım, qánigeleri hám professor-oqıtıwshıların shet el JOOları hám ilimiy-izertlew shólkemlerinde tájiriybe arttırıw, stajirovka ótewi ushın sharayat jaratıw;
-Shet el fondları, bilimlendiriw shólkemleri, joqarı oqıw orınları hám ilimiy-izertlew orayları tárepinen ajıratılatuǵın qarjılardıń maqsetli jumsalıwı, sonday-aq, shet el joybarları hám grantlarında ajıratılǵan orınlarǵa oqıtıwshı, stajyor, doktorant, magistratura hám bakalavriat studentleriniń qatnasıwın qollap-quwatlaw hám olardıń shet el saparların shólkemlestiriw;
-Filialda qısqa hám uzaq múddetli jumıs alıp barıp atırǵan shet elli professor-oqıtıwshılar hám oqıp atırǵan shet el puqaralarınıń oqıwı hám jasawı menen baylanıslı máselelerdi muwapıqlastırıw.
XALÍQARALÍQ BIRGE ISLESIWSHI SHÓLKEMLER
Ózbekstan mámleketlik kórkem óner hám mádeniyat institutı Nókis filialı tárepinen shet ellerdiń 5 joqarı oqıw orınları menen birge islesiw Memorandumları hám Shártnamaların dúzilgen. Sonnan ekewi dúnyanıń ataqlı xalıqaralıq reyting shólkemleri tárepinen “Dúnyanıń eń jaqsı 1000 universiteti” dizimine kirgizilgen.
Rossiya Federatsiyası:
Z.Ismagilov atındaǵı Ufa mámleketlik kórkem óner institutı
D.Xvorostovskiy atındaǵı Sibir mámleketlik kórkem óner institutı
Qazaqstan Respublikası:
M.Auezov atındaǵı Qubla-Qazaqstan universiteti
M.Dulati atındaǵı Taraz mámleketlik universiteti X.A.Yassawiy atındaǵı Xalıqaralıq Qazaq-Túrk universiteti
1,804
