 | Abatbaev Súyenishbay Quwanıshbaevich
Jaslar menen islesiw ,ruwxiyliq ha’m ag’artiwshiliq isleri bolimi baslig’i
E-mail:matizsashon@gmail.com |
Ruwxıylıq hám aǵartıwshılıq bólimi filialda alıp barılatuǵın ruwxıy-aǵartıwshılıq jumıslarǵa basshılıq etiw, tarawǵa tiyisli normativ hújjetlerde belgilengen kórsetpelerdi muwapıqlastırıw, bólimler, jámiyetlik shólkemler hám kafedralardıń ruwxıylıq tarawındaǵı tájiriybelerdi ulıwmalastırıw, zárúr ilimiy-metodikalıq usınıslar, ádebiyatlar tayarlaw hám baspadan shıǵarıw, studentlerdiń ruwxıy dún’yaqarasın jetilistiriwge qaratılǵan túrli ilajlardı ámelge asırıw maqsetinde dúziledi.
Ulıwma qaǵıydalar
- Bólim filial direktorınıń buyrıǵı tiykarında dúziledi;
- Bólimniń isshi toparı filialdıӊ usı taraw boyınsha jetekshi qánigeleri, professor-oqıtıwshılar hám xızmetkerlerden shólkemlestiriledi;
- Bólim oqıw hám tárbiya isleri boyınsha direktor orınbasarı basshılıǵında jumıs alıp baradı;
- Óz jumısların jolǵa qoyıwda bólim fakul’tet dekanı, bólim baslıqları, kafedra baslıqları hám topar basshıları menen birgelikte jumıs alıp baradı;
- Joqarı hám orta arnawlı bilim ministrligi janındaǵı Ruwxıylıq hám aǵartıwshılıq bóliminiń nızamı tiykarında jumıs alıp baradı; Usı jıldaǵı hám keleshektegi rejelerine iye boladı.
Bólimniń maqseti
Student-jaslardı milliy hám ulıwma insanıy qádiriyatlarǵa sadıqlıq ruwxında tárbiyalaw, olardıń ruwxıy, estetikalıq, ádep-ikramlılıq dún’yaqarasın keńeytiw, olardıń sanasın hár túrli zıyanlı ideyalar tásirinen qorǵaw hám de ǵárezsiz Ózbekstannıń haqıyqıy pidayısı bolıp jetistiriwden ibarat.
Bólimniń wazıypaları
- Mámleketimizde ámelge asırılıp atırǵan ruwxıy, mádeniy jumıslarǵa baylanıslı ilajlardı ótkeriw;
- Student-jaslar arasında ádep-ikramlılıq, estetikalıq, siyasiy, huqıkıy, kórkem tárbiyanı qáliplestiriw jumısların jolǵa qoyıw;
- Milliy úrp-ádetler, qádiriyatlar negizinde alıp barılıp atırǵan ánjumanlar, sáwbetlesiwler, ushırasıwlar shólkemlestiriw:
- Studentlerdiń ruwxıy hám fizikalıq jaqtan qáliplesiwin joqarılatıw maqsetinde islenetuǵın jumıslardı jetilistiriwge kómeklesiw;
- Filialda ruwxıy-aǵartıwshılıq tárbiyalıq jumıslardıń jónelislerin belgilew, olarǵa zárúr normativ hújjetler hám usınıslar islep shıǵıw;
- Respublikalıq ruwxıy-aǵartıwshılıq orayınıń qala, rayonlıq bólimleri hám de mámleketimizde xızmet kórsetip atırǵan fondlar, jámiyetlik shólkemler menen birgelikte ruwxıy-aǵartıwshılıq jumısların jetilistiriwde qatnasıw
Bólimniń huqıqları
- Fakul’tetdegi ruwxıy-aǵartıwshılıq jumısların qadaǵalaw;
- Ruwxıy-aǵartıwshılıq jumıslarına baylanıslı ministrlik buyrıqları hám kórsetpeleriniń fakul’tetdegi orınlanıwın tekseriw;
- Dekannıń oqıw hám tárbiya isleri boyınsha dekan orınbasarların saylaw hám de wazıypalardan azat qılıwǵa baylanıslı jıynalıslarda turaqlı túrde óz usınısları menen qatnasadı;
- Ruwxıy-aǵartıwshılıq máseleler boyınsha fakul’tet dekanı hám kafedra baslıqlarına kórsetpeler, usınıslar beredi;
- Professor-oqıtıwshılardıń jıllıq oqıw júklemelerinde «Ruwxıy-aǵartıwshılıq jumıslar» tarawına tiyisli bántiniń tolıq orınlanıwın qadaǵalaydı hám bahalap baradı;
- Oqıw hám tárbiya isler boyınsha dekan orınbasarı alıp baratuǵın jumıslar boyınsha hár semestr juwmaǵında bólim baslıǵına esabat beredi;
- Ruwxıy-aǵartıwshılıq jumısların jetilistiriwde jaqsı baslama kórsetken fakul’tet, bólim hám kafedra jámááti belsendilerin ruwxıy hám materiallıq jaqtan xoshametlewge usınıslar beredi.
1,624
