---

Турдыев Бахтыяр Бердиханович Oqiw bo’limi baslig’i Telefon: +99890 -736- 78- 85 E-mail: baxtyyar@mail.ru

Elimizde Ǵárezsizliktiń dáslepki kúnlerinen baslap-aq, Prezidentimiz tárepinen bilimlendiriw tarawına ayrıqsha itibar qaratılmaqta. Bul itibar nátiyjesinde búgingi kúnge kelip student jaslarımızdıń dúnya júzlik standartlarına tolıq juwap beretuǵın bilim alıwı, Watandı súyiwshilik ruwxında tárbiyalanıwı, professor-oqıtıwshılarımızdıń sapalı bilim beriwi, óziniń mamanlıǵın úzliksiz jetilistirip barıwı ushın barlıq imkaniyatlar jaratıldı.

Házirgi waqıtta filialımızda 1 fakultet, 5 kafedra bar bolıp, 9 bakalavr tálim baǵdarı boyınsha student jaslarǵa professor-oqıtıwshılarımız bilim berip kelmekte.

Házirgi kúnde filialdıń oqıw-metodikalıq bóliminde 1 bólim baslıǵı, 1 metodist, 1 inspektor jumıs alıp barmaqta.

Oqıw-metodikalıq bólimi Oqıw isleri boyınsha direktor orınbasarı basshılıǵında dekanat hám kafedralar menen birgelikte tómendegi jumıslardı alıp baradı:

• Oqıw processine tiyisli joqarı shólkemlerdiń qarar hám kórsetpeleri, ministrliktiń qarar, buyrıq, kórsetpeleriniń orınlanıwın  támiyinlew;

• Mámleketlik standart talabına sáykes hám filial múmkinshilikleri, óndiris talapları esapqa alınıp islep shıǵılǵan bakalavr baǵdarı hám magistr qánigelikleri ushın oqıw rejelerin tastıyıqlawǵa tayarlaw;

• Bakalavr baǵdarı hám magistr qánigelikleri ushın olardıń oqıw rejelerine sáykes pánlerdi oqıtıwdıń is baǵdarlamaların tayarlatıp tastıyıqlawǵa tayarlaw;

• Ulıwma filial oqıw júklemesi hám studentler kontingentin esapqa alǵan halda kafedralar shtat birligin anıqlaw hám normativ-hujjetlerge sáykes professor-oqıtıwshılar quramına jumısqa alıwdı usınıs etiw;

• Mámleketlik attestaciya komissiyaları baslıqların tastıyıqlatıwǵa kandidaturalar usınıw;

• Mámleketlik attestaciya komissiyaları quramın dúziwge usınıs tayarlaw hám olardıń jumısın qadaǵalap barıw;

• Mámleketlik standartqa sáykes oqıw rejelerdegi bloklar boyınsha studentlerdiń sabaqlıqlar, oqıw qollanbaları h.t.b. ádebiyatlar menen támiyinlengenligin úyrenip barıw;

• Oqıw rejesindegi pánlerden tolıq oqıw metodikalıq kompleksleri menen támiyinlew, olardı jańalap hám jetilistirip barıw;

• Studentler bilimin qadaǵalawdıń reyting sisteması boyınsha júrgiziliwin, onıń ishinde jazba jumıs túrin engiziwdi jetilistiriw hám olardıń tártipke sáykes júrgiziliwin  qadaǵalap hám dodalap barıw;

• Professor-oqıtıwshılardıń qánigeligin asırıw hám ilimiy dárejeliligin joqarılatıp barıwdıń jıllıq hám kalendarlıq rejelerin islep shıǵıw;

• Filial keńesine jańa kafedralar, fakultetler, qánigelikler ashıw boyınsha usınıslar tayarlaw;

• Dekanat hám kafedralardıń jańa oqıw jılına tayarlıǵın qadaǵalaw hám sonday-aq bunnan basqada jumıslardı alıp baradı.

Ayrıqsha atap ótiwimiz kerek, búgingi kúnde húkimetimiz tárepinen ámelge asırılıp atırǵan reformalardıń maqseti jaslardıń tereń bilim alıwı, kásip-óner sırların tereń ózlestiriw ushın jeterli múmkinshilik jaratıwdı támiyinlewge qaratılǵan. Solay eken, jaslar ushın jaratılıp atırǵan imkaniyatlardan únemli paydalanǵan halda óz bilimin arttırıw hám alǵan bilimlerin Watanımızdıń rawajlanıwı jolında paydalanıwımız lazım.

 1,494