Áyne kúnleri Ózbekstan Respublikası Prezidenti saylawında qatnasıw ushın siyasiy partiyalardan usınılǵan talabanlardıń saylaw aldı baǵdarlamasınıń tiykarǵı baǵdarların úgit-násiyatlaw ilajları ótkerilmekte.

Kegeyli rayonındaǵı 10-sanlı Balalar muzıka hám kórkem óneri mektebinde Ózbekstan Respublikası Prezidentligine talaban Sh.Mirziyoevtiń saylaw aldı baǵdarlamasın úgit-násiyatlaw ilajı bolıp ótti.

Onda ÓzLiDeP partiyasınan usınılǵan talabannıń isenimli wákili A.Daniyarov shıǵıp sóylep, saylawshılarǵa Prezidentlikke talaban Sh.Mirziyoevtiń ómiri hám miynet jolı, ótken bes jıl dawamında ámelge asırılǵan Háreketler strategiyası, sonday-aq kelesi jıllar ushın ámelge asırılıwı rejelestirilgen bes jıllıq baǵdarlamasınıń mazmun-mánisin atap ótti.

Ótkerilgen ilajda Ózbekistan mámleketlik kórkem óner xám mádeniyat institutı Nókis filialı studenti A.Baraxovta shıǵıp sóylep, xalqımızdı ásirese, jaslardı saylauǵa belsene qatınasıwǵa shaqırdı.

Bul baǵdardaǵı ushırasıwlarda filial studentleri belsene qatnaspaqta.

ÓzMKÓMI Nókis filialı baspasóz xızmeti.