Búgin Ózbekstan mámleketlik kórkem óner hám mádeniyat institutı Nókis filialında «Watan ushın, xalıq ushın, millet ushın» súreni astında «Ǵárezsizlik sabaqları» sheńberinde «Tariyxıy estelik, ruwxıy-aǵartıwshılıq tárbiya — Jańa Ózbekstan tiykarı» atamasında ruwxıy-aǵartıwshılıq ilaj shólkemlestirildi.

Ilajda Ózbekstan mámleketlik kórkem óner hám mádeniyat institutı filosofiya ilimleriniń doktorı, professor Sayyora Töychiyeva miymanda bolıp, jaslarǵa bayanatı dawamında tariyxıy esteliktiń áhmieti, milliy ruwxıylıq hám ruwxıy tárbiyanıń bekkemleniwi arqalı jańa Ózbekstannıń tiykarın jaratıw máselelerine toqtap ótti. Sonday-aq, shayır óz sózinde ǵárezsizlik qádiriyatların qásterlep saqlaw, xalıqtıń tariyxıy tájiriybesin yadta saqlaw hám jas áwladtı watansúyiwshilik ruwxında tárbiyalaw búgingi reformalardıń tiykarǵı baǵdarlarınan biri ekenin atap ótti.

Ilaj dawamında institut studentlerine ruwxıy-mánawiy azıq beretuǵın bayanatlar, pikir-usınıslar almastırıldı, milliy qádiriyatlarımız hám tariyxımızǵa húrmet ruwxında Jańa Ózbekstandı jáne de rawajlandırıwǵa shaqırıldı.

Bul ilaj ǵárezsizlik sabaqları sheńberinde ótkerilip, jaslardı ruwxıy bárkamallıqqa, milliy sana-sezimdi joqarılatıwǵa hám millet rawajlanıwına múnásip úles qosıwǵa xızmet etedi.

✍️Filial baspasóz xızmeti