Ózbekstan mámleketlik kórkem óner hám mádeniyat institutı Nókis filialı Keńesi xatkeri A.Orazov

Ózbekstan mámleketlik kórkem óner hám mádeniyat institutı Nókis filialı Keńesiniń maqset hám wazıypaları

Ózbekstan Respublikası Joqarı hám orta arnawlı bilim ministrliginiń 2011-jıl 3-dekabrdegi 487-sanlı buyrıǵı menen tastıyıqlanǵan “Joqarı oqıw orınlarınıń Ilimiy keńesi haqqındaǵı úlgi Nızam” tiykarında Ózbekstan mámleketlik kórkem óner hám mádeniyat institutında tiykarǵı máselelerdi kórip shıǵıw ushın filial keńesi shólkemlestirilgen.

Filial keńesiniń maqset hám wazıypaları

Filial keńesiniń maqseti – filial jámáátiniń háreketlerin, intellektual dárejesin hám basqa barlıq imkaniyatlardı Ózbekstan Respublikasınıń «Bilimlendiriw haqqında»ǵı, «Kadrlar tayarlaw milliy baǵdarlaması haqqında»ǵı Nızamlarında belgilengen wazıypalardıń orınlanıwın támiyinlew, joqarı bilimlendiriwdiń mámleketlik tálim standartı talapları dárejesinde qáliplesken bilim, tájiriybe, kónlikpelerge iye bolǵan professional qánigeler tayarlawǵa baǵdarlawdan ibarat.

Filial keńesi:

• Kadrlar tayarlaw milliy baǵdarlamasına muwapıq mámleketlik tálim standartları, oqıw rejeleri hám baǵdarlamalarınıń qatań orınlanıwın úyrenip shıǵadı hám de tiykarǵı máseleler boyınsha usınıs hám tapsırmalar belgileydi;
• Fakultetlerdiń oqıw, ilimiy-izertlew hám ruwxıylıq-aǵartıwshılıq jumısları haqqındaǵı, qabıllaw komissiyasınıń nátiyjeleri haqqındaǵı, sonday-aq marketing xızmetiniń xalıq xojalıǵınıń pitkeriwshi qánigelerge bolǵan zárúrligi, buyırtpashı shólkemler  menen birge islesiw baylanısları haqqındaǵı esapların tıńlaydı hám de tiyisli qarar qabıl etedi;
• Ilimiy-izertlew, ruwxıylıq-aǵartıwshılıq jumısları rejeleriniń orınlanıwı, professor-oqıtıwshılar quramınıń qánigeligin jetilistiriw hám qayta tayarlaw máselelerin talqılaydı hám de tiyisli qararlardı qabıl etedi;
• Joqarı oqıw ornınıń rawajlanıwınıń jıllıq hám keleshektegi rejelerin tastıyıqlaydı, materiallıq-texnikalıq támiynat hám finans-xojalıq iskerligi nátiyjelerin talqılaydı hám de tiyisli qararlardı qabıl etedi;
• Fakultet hám kafedralardı ashıw, jabıw, ózgertiw, sonday-aq marketing xızmeti usınısların esapqa alǵan halda jańa bakalavriat baǵdarları hám magistratura qánigelikleri boyınsha kadrlar tayarlawdı jolǵa qoyıw yaki toqtatıw menen baylanıslı máseleler boyınsha qarar qabıl etedi;
• «Joqarı oqıw orınlarına pedagog xızmetkerlerdi tańlaw tiykarında jumısqa qabıl etiw tártibi haqqında»ǵı Nızamǵa muwapıq professor-oqıtıwshılar lawazımların iyelew ushın tańlawlar ótkeredi;
• Professor, dotsent ilimiy dárejesin alıwǵa talaban izleniwshilerdiń hújjetlerin kórip shıǵadı hám belgilengen tártipte ilimiy dárejege tastıyıqlawǵa usınadı;
• Oqıw ornı pitkeriwshileri hám de professor-oqıtıwshılardıń inglis tilin  biliwlerin támiyinlew hám kompyuter texnologiyaları, internetten paydalana alıwları boyınsha tayanısh kónlikpelerdi qáliplestiriw máselelerin talqılaydı hám is-ilajlar belgileydi;
• Bilimlendiriw protsesiniń oqıw ádebiyatları menen támiyinlengenligin, jańa áwlad sabaqlıq hám oqıw qollanbaları, sonday-aq innovatsiyalıq tálim texnologiyaların qollawǵa tiykarlanǵan oqıw-metodikalıq komplekslerdi tayarlaw hám baspaǵa shıǵarıw máselelerin talqılaydı;
• Doktoranturaǵa talabanlardı usınadı, olardıń jeke rejeleri hám dissertatsiyaları temaların tastıyıqlaydı;
• Ziyrek studentler qatarınan hám professor-oqıtıwshılar quramınan talabanlardı «Iste’dod» fondları arqalı shet ellerdiń joqarı oqıw orınlarında stajirovka ótiwge usınadı;
• Joqarı oqıw ornınıń ziyrek studentleri hám magistrantları qatarınan Ózbekstan Respublikası Prezidenti Mámleketlik stipendiyası hám ataqlı mámleketlik stependiyalar tańlawında qatnasatuǵın talabanlardı usınadı;
• Tiykarǵı buyırtpashı shólkem, kárxana hám mekemeler menen korporativ birge islesiwdi rawajlandırıw, materiallıq-texnikalıq bazanı bekkemlew hám de studentlerdiń qánigelik ámeliyatı nátiyjeliligin asırıw máselelerin talqılaydı hám olardı jaqsılaw boyınsha usınıslar islep shıǵadı;
• Shet el mámleketleriniń joqarı oqıw orınları menen birge islesiw baylanısların ornatıw boyınsha qararlar qabıl etedi;
• Bilimlendiriw xızmetleri menen shuǵıllanıwshı kishi kárxanalar, firma hám kurslar iskerligi haqqında basshılardıń esapların tıńlaydı hám de tiyisli qarar qabıl etedi;
• Joqarı oqıw ornı studentleri hám xızmetkerleriniń texnika qáwipsizligi hám miynetti qorǵawdı jetilistiriw boyınsha ilajlardı belgileydi.

Filial keńesi jumısınıń shólkemlestiriliwi

Filial keńesi óz jumısın oqıw jılı ushın islep shıǵılǵan rejege muwapıq ámelge asıradı. Filialdıń oqıw, ilimiy-metodikalıq, ilimiy-izertlew, ruwxıy-aǵartıwshılıq hám shólkemlestiriwshilik máseleleri boyınsha keńes qararları ashıq dawıs beriw tártibinde kópshiliktiń dawısı menen, al, professor-oqıtıwshılar lawazımların iyelew boyınsha ótkeriletuǵın tańlawlar hám de professor yaki dotsent ilimiy ataqların beriwge usınıslar boyınsha qararlar jabıq dawıs beriw jolı menen belgilengen tártipte keńes quramındaǵı aǵzalardıń  2/3 bólegi qatnasqan jaǵdayda qabıl etiledi.

Keńes májilisleri bayanlama menen rásmiylestirilip, keńes baslıǵı hám keńes xatkeri tárepinen imzalanıp barıladı. Keńes qararlarınıń orınlanıwı monitoring bólimi tərepinen qadaǵalap barıladı.

Búgingi kúnde filial keńesinde 35 aǵza jumıs alıp barmaqta.