Student-jaslar, ata-analar, professor-oqıtıwshılar hám filial jámáátin náshebentlik hám narkojınayattıń unamsız aqıbetlerinen sergeklikke shaqırıw tuwrısında

Aziz student-jaslar, ata-analar, professor-oqıtıwshılar hám filial jámááti!

Perzent – insannıń dúniyadaǵı eń áziz jemisi. Ata-ana bolıw júdá úlken baxıt. Sonıń ushın ata-ana óz balasın kóz qarashıǵınday asıraydı. Balasına jaqınlasqan hár qanday báleden qorǵaw ushın kókiregin qalqan qıladı. Minnetdar perzentler bunı jaqsı biledi. Qartayǵan áziz ata-anaların baslarına kóterip ardaqlaydı.

Azizler!

Bul zamanda jaslarǵa kóz tikken qáwip qáter kóp. Solardan biri – náshebentlik bálesi.

Perzentlerimizdi bul báleden qutqarıwǵa atlanayıq. Bolmasa ol jaslarımızdıń tek ǵana salamatlıǵın emes bolajaq shańaraqların, pútkúl jámiyet keleshegin wayran qıladı.

Sonday eken, biz – jaslar, ata-analar hám professor-oqıtıwshılar spatında, hár birimiz bul illetke qarsı qatań hám birlesken halda gúresiwimiz zárúr.

Tilekke qarsı, mámleketimizde hám ayrım jaslar bilip yaki bilmiy, waqtınshalıq zawq izlep yamasa ańsat pul tabayın dep bul illetke aralasıp qalıp, ózlerinıń baxıtlı keleshegin wayran qılmaqta.

Aziz jaslar!

Sizdegi salamat ruwxıylıq, kúshli qálew, bilimge shóllew —  mámleketimiz kelesheginiń tiykarı.

Hesh qashan “bir márte sınap kóremeń” degen aldawlarǵa isenbeń. Náshebentlik ónimler ómirińizdi kemiriwshi záhár, erteńgi arzuwlardı urlawshı illet ekenligin umıtpań.

Náshebentlik hám narkojınayatshılıq hár—bir insanǵa hám shańaraqqa baxıtsızlıq alıp keledi. Pútkúl jámiyettiń tınıshlıǵına ziyan jetkeredi.

Húrmetli ata-analar!

Perzentlerimizge itibarlı bolayıq! Olarǵa hár kúni itibar hám mexır kórsetiyik. Olar menen ashıq sáwbetleseyik, tıńlayıq hám mashqalalarınan xabardar bolayıq. Jaslarǵa jaqsı paziyletlerdi úyretip, jaman ádetlerdi tárk etiwin, sonday-aq, tuwrı hám natuwrı jumıslardı parıqlawdı úyreteyik. Perzenttiń qálbinde mexır, isenim hám ruwxıylıq bolsa, biytanıs idealar onıń júregine esh qashan kire almaydı.

Perzentlerimizdi náshebentlik bálesinen asırawımız ushın barshemiz xabardar hám sergek bolıp, náshebentliktiń bárshe kórinislerine qarsı birgelikde gúresiwimiz kerek.

Qádirli ustazlar!

Jas áwláttı tárbiyalawda sizdıń rolińiz teńsiz. Bilimlendiriw mákemelerinde salamat turmıs tárizin úgit-násiyatlaw, náshebentliktiń unamsız aqıbetlerin jaslardıń sana sezimine jetkeriw – búgingi kúnnıń áhmiyetli wazipası bolıp tabıladı. Hár-bir sabaq, hár-bir sáwbetlesiw jaslar qálbinde salamat pikir hám juwapkershilik waziypasın oyatıw lazım. Shágirtlerimizdi óz perzentimizdiy asırawımız kerek!

Bárshemiz birlesiyk! – millet dushpanları bolǵan narkojınayatshılarǵa kelisimsiz hám keskin múnásibette bolıp, olarǵa qarsı gúresiwde huqıqtı qorǵaw orgunlarına belsendi kómeklesiyik.         

Umıtpań! Ózbekstannıń tınısh hám salamat keleshegi — hár birimizdiń búgingi awızbirshiliklimiz hám keskin háreketlerimizge baylanıslı! 

Ózbekstan mámleketlik kórkem

 óner hám mádeniyat institutı

     Nókis filialı Direktor                                                    w.w.a Q.Yusupov