Ózbekstan mámleketlik kórkem óner hám mádeniyat institutı Nókis filialı keńesiniń 2023-jıl 6-oktyabr kúngi gezeksiz 3-sanlı májilisiniń qararı menen «Teatr kórkem óneri» fakulteti shólkemlestirildi. Fakultette 3 kafedra bolıp olardan: «Aktyor sheberligi», «Rejissura  kórkem óneri» hám «Vokal» kafedraları biriktirildi. Fakultet dekanı lawazımına «Kórkemónertanıw» fakulteti dekanı tariyx ilimleriniń kandidatı, professor Gulchira Xodjametova tayınlandı,  oqıw isleri boyınsha B.Radjapbaev, İ.Xojanov hám jaslar máseleleri boyınsha D.Otarbaev fakultet dekanınıń orınbasarları lawazımlarına tayınlandı.

        2023-jıl 27-oktyabr’ kúngi gezektegi 1-sanlı fakultet májilisiniń qararı menen fakultet keńesi dúzildi. Fakultet kenesinde fakultet Oqıw isleri hám Jaslar máseleleri boyınsha jıllıq hám oqıw jılı rejesi tastıyqlandı. Rejege muwapıq orınlaw kerek bolǵan máseleler juwapkerlerge bekitildi. Fakultet hayal-qızlar máseleleri boyınsha jumısların alıp barıw ushın másláhátshi etip D.Ermanova bekitildi. Fakultet tyutorları etip M.Bekmuratov hám T.Qaljanova tastıyqlandı. Fakultet jaslar jetekshisi etip B.Abipov tastıyqlandı.

       Fakultet boyınsha 29 professor oqıtıwshı tiykarǵı shtat hám 15 professor-oqıtıwshı qosa islewshi, sonıń menen 44 oqıtıwshı studentlerge bilim bermekte. Solardan: professor-5 oqıtıwshı, docent-3 oqıtıwshı, aǵa oqıtıwshı-5, asisstent oqıtıwshı-21.

        Ilimiy dárejeligi- 27,6 fayz quraydı. Oqıw  saatları 2023-2024 oqıw jılı fakultet boyınsha saat 45,5 shtat birligi.