Búgin Berdaq atındaǵı Qaraqalpaq mámleketlik akademiyalıq muzıkalı teatrında Ózbekstan mámleketlik kórkem óner hám mádeniyat institutı Nókis fililı “Rejissura hám aktyor sheberligi” kafedrası 4-kurs “Drama teatr hám kino aktyorlıǵı” tálim baǵdarı student jaslarınıń 2021-2022 oqıw jılı pitkeriw diplom spektakli bolıp ótti.

Ilajda Qaraqalpaqstan Respublikası Mádeniyat ministri Q.Turdiev hám Filial direktorı A.Ayapovlar shıǵıp sóylep, pitkeriw qánegelik jumısın tapsırıp atırǵan studentlerge áwmetler tiledi.

Pitkeriw diplom spektaklinde studentler Bashqurıstan xalıq jazıwshısı Mustay Kárimnıń “Ay tutılǵan túnde” tragediyasın saxnalastırdı hám sheberlik penen atqarıp, pitkeriw diplom spektaklin tabıslı atqarıp shıqtı. Studenlerge “Rejissura hám aktyor sheberligi” kafedrası oqıtıwshısı, Ózbekstanda xızmet kórsetken hám Qaraqalpaqstan xalıq artisti Jalǵasbay Sultabaev kórkemlik jaqtan basshılıq etti.

QMU studenti G.Jartıbaeva