Jaqında Ózbekstan mámleketlik kórkem óner hám mádeniyat institutı Nókis filialında “Bilimlendiriw sapasın jetilistiriwde mámleketlik qarar hám normativ hújjetleriń áhmiyeti” atamasında seminar bolıp ótti. Oǵan filialdıń professor-oqıtıwshıları hám Bilimlendiriw sapasın qadaǵalaw bólimi xızmetkerleri qatnastı.

Onda filial quramındaǵı Bilimlendiriwdiń sapasın qadaǵalaw bólimi baslıǵı Q.Qalekkev sózge shıǵıp, Ózbekstan Respublikası Ministerler Kabinetiniń 2019-jıl 7-iyundaǵı “Joqarı oqıw orınları reytingin anıqlaw tártibin jetilistiriw ilajları haqqında”ǵı, sonday-aq, “Mámleketlik bilimlendiriw mákemeleri hám mámleketlik emes bilimlendiriw shólkemlerin attestasiyadan hám mámleketlik akkreditasiyasınan ótkeriw tártibin jetilestiriw haqqında”ǵı qararlarınıń áhmiyetine ayrıqsha toqtap ótti.

Seminarda joqarı oqıw orınları reyting nátiyjelerin anıqlaw, sonıń menen birge Joqarı oqıw orınların attestasiyadan hám mámleketlik akkreditasiyasınan ótkeriwde bilimlendiriw mákemelerin ishki hám sırtqı bahalawdan ibarat eki basqıshta ámelge asırılatuǵınlıǵı, onıń kriteriyaları hám ótkeriw waqıtlarınıń kórsetkishleri, attestsiya processinde bilimlendiriw mákemeleriniń sonǵı eki jıllıq jumısın komileksli analiz etiw sıyaqlı ózgeris hám qosımshılrdıń kirgizilgenligi haqqında da túsinik berip ótti.

Ilaj sońında qatnasıwshılr ózlerin qızıqtırǵan sorawları boyınsha qánigelerden múrajat etip, tiyisli juwaplar aldı.

Bilimlendiriwdiń sapasın qadaǵalaw bólimi