Ҳәзирги ўақытта Ташкент қаласында «Жипек жолы дүрданасы» XIV Ташкент халқаралық кинофестиваль болып өтпекте. Кинофестивалда дүньяның 40 мәмлекетинен 500 ден артық кинематографлар, көркем өнер ғайраткерлери, киножулдызлар қатнаспақта. Кинофестиваль шеңберинде Турк киносы күнлери өткерилиўи белгиленген.

Бүгин Өзбекстан мәмлекетлик көркем өнер ҳәм мәденият институты Нөкис филиалында түрк ҳәм өзбек кино актёрлыры мийманда болып, студент-жаслар менен ушырасты. Ушырасыўда мийманлар фестивалдың әҳмийети, еки елдиң кино тараўында бирге ислесип атырған жумыслар ҳәм дөретиўшилик жумыслары ҳаққында айтып өтти.   

Илаж соңында филиал студент-жаслары тәрепинен таярланған концерт бағдарламасы қойып берилди.

Филиал баспасөз хызмети.