Ózbekstan Respublikası Prezidentiniń 2020-jıl 6-noyabrdegi “Ózbekstannıń jańa rawajlanıw dáwirinde tálim-tárbiya hám ilim-bilimlendiriw tarawların rawajlandırıw ilajları haqqında”ǵı 6108-sanlı pármanında joqarı oqıw orınları menen ulıwma orta bilim beriw mektepleriniń óz ara birge islesiwine ayrıqsha itibar qaratılǵan.

Pármanda belgilengen wazıypalardıń orınlawın támiyinlew maqsetinde Ózbekstan mámleketlik kórkem óner hám mádeniyat institutı Nókis filialı professor-oqıtıwshıları Beruniy rayonı Xalıq bilimlendiriw bólimine qaraslı 24-sanlı ulıwma orta bilim beriw mektebinde oqıwshılar menen ushırastı.

Ushırasıwda «Social gumanitar pánler» kafedrası baslıǵı L.Urazova, usı kafedranıń oqıtıwshıları A.Bekjanova hám S.Kojalepesovlar mektep pitkeriwshileriniń joqarı oqıw orınlarına oqıwǵa kiriwine  bolǵan qızıǵıwshılıǵın kúsheytiw hámde kásip tańlawdaǵı pikirlerin qáliplestiriw, sonday-aq, filial tariyxı, jetiskenlikleri, filialda jaslar ushın jaratılıp atırgán imkaniyatlar haqqında toqtap ótti.

Ilaj sońında «Social gumanitar pánler» kafedrası  baslıǵı  L.Urazova «Áyyemgi Shıǵıs mádeniyatı: Áyyemgi Qıtay mádeniyatı» atamasındaǵı óziniń metodikalıq qollanbasın mektep kitapxanasına sawǵa etti.

Filial baspasóz xızmeti.